فرق التوقيت يمنع لقاء ياسمين عبد العزيز وأحمد العوضي

شباب البومب 12 الحلقة 17 مع الشيخ راكان و كانتي

شباب البومب 12 الحلقة 18 : هبة عامر

إليسا في Big time Podcast وتعطي رأيها بـ أصالة،أحلام وشيرين

رامز جاب من الآخر الحلقة 17: مواجهة مها أحمد و فادي خفاجة

نجوى كرم في أمسية روحية تحدثت فيها عن رؤيتها السيد المسيح

إعدام صبحي خلال عملية تبادل الأسرى في الحلقة 17 من مسلسل تاج

صلح فرح الهادي وشوق الهادي والعرابة نهى نبيل

مسلسل 2024: تأثر بمشهد وداع سما لوالدها بالمشرحة

حسن عسيري و أصايل ضحايا برنامج رامز جاب من الآخر الحلقة 18

اوس اوس يخرج عن صمته ويرد على المنتقدين

ET بالعربي | 31 أغسطس 2020
اوس اوس

اوس اوس

بغضب كبير خرج اوس اوس عن صمته ورد من خلال منشورين شاركهما عبر حسابه الرسمي على الإنستغرام، وذلك بسبب التعليقات والإنتقادات والتنمر الذي تعرض له وزوجته بعد حضورهما حفل زفاف شقيقة مصطفى خاطر بعد مرور عدة أسابيع على وفاة طفلهما.

وشارك اوس اوس صور لتعليقات مسيئة تم نشرها، وكتب "يعني ناس مريضة وقليلة الأدب بتكتب كومنتات وقولنا ماشي يمكن واحد غير مسئول وغير مدرك وعنده ما يكفيه من امراض للحقد والغل على اى حاجه وبنستحمل !! انما يعنى لما يكون فى موقع محترم (على ما اظن )اسمه الدستور ! بيعمل شير لكومنتات الناس المريضه دى وبينزلهم خبر كمان ! ده يبقى إسمه ايه ؟!"، وتابع "مش هقول غير حسبى الله ونعم الوكيل فى كل واحد مش بيراعى ربنا فى مهنته ..وبطلب من كل الصحفيين المحترمين عدم نشر اى خبر يخص حياتى الشخصيه لو سمحت كفايه اوى اللى الواحد فيه ... وشكرا موقع الدستور على التشهير بالعقليات المرضيه لكسب ليكات وفولوهات مبروك عليكم".

وأضاف اوس اوس في بوست آخر لصورة مع زوجته، "انا مش محتاج ابرر واحكى اى حاجه عن حياتى والست اللى قلبى اخترها كنت ساعتها فى اول موسم لتياترو مصر كنا نتقاضى مرتبات مش ممكن تفتح بيت واول ما اتجوزت كنت اقعد فى بيت ايجار كمان انا بس هكتفى بالنقطتين دول علشان اصحاب العقول والنفوس المريضه يعرفوا ويبطلوا نغمه (الفلوس بتعمل اكتر من كده ) الفلوس ممكن تشترى سرير بس ماتشتريش النوم ! ومش انا بس دا اغلب المشاهير اللى بتحسدوهم على حياتهم دلوقتى ماتعرفش بدا من امتى واتبهدل ازاى ولولا وجود حد جنبه بيسنده ويدعمه ماكنش هيعرف يعدى من اى مشكله نفسيه او ماديه فى حياته.. ومش معنى انى بنزل اشتغل او بتصور وانا مبسوط ده معناه انى هموت من الفرحه بس دى مهنتى واجبى ناحيه جمهورى انى اخرجه من اى حزن هو فيه كل ده بعمله على حساب حزنى وجرحى ووجعى انا ..وفى الاخر بتشتم برضه ! انا بقول الكلام ده ولن اسمح باى تدخل فى حياتى الشخصيه مره اخرى سواء بالخير او بالشر او دخول اسم مراتى فى اى كلمه من كلام المرضى النفسيين ..مراتى اللى اخوها متوفى و ابنها متوفى وماصدقت اول مره اخرجها نروح مناسبه ودمرتوها نفسيا تانى بكلامكم المريض..حسبى الله ونعم الوكيل فيكم.. حقك عليا ياست الكل سكت كتير وكنت بعدى لكن مفيش فايده.. كل واحد يركز فى حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ماتفضل تبُص فى حياه الناس".