كرم منذ عدة أيام مجدي يعقوب بدبي بحفل "صناع الأمل"، وأعلن الشيخ محمد بن راشد، آل مكتوم ،عن جمع تبرعات بقيمة 360 مليون جنيه مصري للمستشفى الجديد الذي يحضر له، وقدم عدد من الفنانين الدعم لمجدي يعقوب وللمستشفى الجديد، فنشر أحمد حلمي الذي تبرع بمليون جنيه صورة معه على الإنستغرام وكتب:"اخيرا قابلت الدكتور مجدي يعقوب .. ومش كده وبس ، لا.. ده انا كمان حضنته وقعدت جنبه .. ومش كده وبس .. ده احنا كمان اتكلمنا كتير وفي الاخر اتصورت معاه .. احساس رهيب.. دكتور مجدي ليه رهبه لاتوصف.. انا كنت فاهم ان الرهبه من اي شخص بتيجي من الهيبه والقوه .. لكن عرفت ان في رهبه بتيجي من طيبة وانسانيه الشخص الي قدامك .. ودي اللي اسمها رهبه رهيبه .. انا حصلتلي رهبه رهيبه.. وحقيقي بالصوره دي انا دخلت التاريخ".
وكتب أيضا عن مجدي يعقوب كل من يسرا، شريف منير، أحمد السقا، سميح ساويرس، نبيلة مكرم وزيرة الهجرة المصرية، ومحمد محسن، فكتبت يسرا:"الحمدلله على سلامتك يا د. مجدي .. إنت فخر لمصر والعرب والعالم كله .. ربنا يديمك نعمة في حياتنا كلنا يا ملاك الحب والرحمة #مجدي_يعقوب ♥️"،
وكتب محمد محسن: "السير #مجدي_يعقوب نامبر وان، وفخر مصر الدائم، والمثل الأعلى المُلهِم لكل الأجيال الحاضرة واللي جاية، المثال والنموذج الحي - أطال الله في عمره - اللي لازم نحتفي بيه في كل وسائل إعلامنا وجامعاتنا ومدارسنا ويتعمل عن قصة حياته بدل المسلسل اتنين وبدل الفيلم تلاتة، ونحتفي أكتر بالعلم والعمل والتعليم والثقافة عشان نقدر نحافظ على ماضينا ونحسّن حاضرنا ونطوّر مستقبلنا ومستقبل أولادنا. شكراً من القلب لحبايبنا في #الإمارات العربية الشقيقة شعب وقيادة، للتكريم الكبير الذي ناله الدكتور مجدي يعقوب من صاحب السمو الشيخ محمد بن راشد آل مكتوم، بوشاح العمل الإنساني ❤️"،
ومن المقرر أن تستضيف منى الشاذلي مجدي يعقوب في برنامجها "معكم" يوم الأربعاء المقبل، هذا وأصدر التلفزيون المصري بيان بأنه يحضر لفيلم تسجيلي عن حياة مجدي يعقوب تحت عنوان" أمير القلوب".
