مازال الجدل وصراع الأفضل بين الأهلي والزمالك مستمر خاصة بعد حصول الزمالك على درع الدوري المصري للمرة الـ 13 في تاريخه، كما أن جمهور الناديين على السوشيال ميديا مستمرين في التعليقات والملفت أن هذه المرة كانت بين خالد الغندور لاعب الزمالك السابق والإعلامي في قناة النادي حاليًا ، وعمرو محمود ياسين.
وفي التفاصيل ، شارك خالد الغندور بوستر من فيلم الجراج بالتزامن مع إفتتاح نادي الأهلي لجراج النادي بمدينة نصر ما جعل البعض يعتقد بأنه يسخر من النادي الأهلي.
أما عمرو محمود ياسين فقد كان من ضمن الذين علقوا على الموضوع حيث كتب على الفيسبوك: "يعني مش عارف .. خالد الغندور طول عمره شخص مهذب وشخصيه جميله و طيب جدا مش عارف ايه سر التغيير اللي حصل معاه و ازاي نسي دوره كنجم كبير و من الاسماء الهامه بتاريخ الزمالك والكورة المصريه خالد الغندور. طول عمره اسم كبير جدا. ..بس البوست ده صغير قوي .!".
خالد الغندور رد بدوره على عمرو محمود ياسين كاتبا:" صديقي المحترم عمرو محمود ياسين❤️🙏 ده بوست عادي و مافيهوش أي تجاوز لأي حد و اعتقد كلامي علي الافلام شيء مش عيب و لا حرام شرعا و مش معقولة كلامي عن الفيلم يخلق نوع من الاستغراب و يجعلك تتسأل عن اخلاقي و طيبتي و تهذيبي و نجوميتي و كنت اتمني إنك تستغرب من مستوي ردود البعض المتجاوز لأبعد الحدود و ليس علي هذا البوست بل علي جميع البوستات و اعتقد انت شخصيا لو قلت صباح الخير هتجد من يتجاوز في حقك بصورة كبيرة بلا معني و ربنا يهدي الجميع ❤️".
و وضح خالد الغندور من بعدها هدفه من البوست وكتب:" لا أفهم ربط الناس فيلم الجراج بإفتتاح النادي الاهلي لجراح و من هنا أقول للنادي الأهلي و جمهوره الف مبروك على المشروع الكبير و نصيحة صغيرة اوعوا تتكلموا علي و فيلم البيه البواب و علي البوابين عشان ده اسمه تنمر و تقليل من ناس محترمة بتشتغل بشرف".
