رسالة وجهتها بسمة وهبة من على سرير المرض في المستشفى لمن يحكمون على حياة المشاهير من الصور التي يشاركونها على السوشيال ميديا.
وروت بسمة حادثة حصلت معها حيث تلقت اتصالا من احدى السيدات، وبعد أن قالت لها أنها لا تستطيع الكلام الآن وستتصل بها في وقت لاحق، انتقدتها وقالت لها أنها مشغولة بالسفر كل يوم الى بلد جديد.
وكتبت بسمة "واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة اتكلم لما اقدر حكلمك راحت ردت عليه قالت لي آه مانتي مشغوله صحيح كل يوم في بلد وبتتفسحي".
تابعت "فعاوزة اقولها هي واللي زيها ان أي صورة على السوشيال ميديا حلوة وراها أوقات وحشة وأي صورة فيها سعادة وراها أوقات تعاسة وألم صحيح ممكن أكون مسافرة بس بعمل عملية ممكن أكون مسافرة وفي عملية وفي البنج وحزينة لان صاحبتي ماتت قبلها بيومين".
أضافت "حتى وأنا في البنج وتعبانة حزينة عليها وبدعيلها وممكن أكون مسافرة أتعالج مش اتفسح بس بما اني مسافرة لو ماعندكيش مانع أخرج قبل العملية واتمشى في الشارع بعد العملية".
"احمدي ربنا انك مش مضطره تسافري عشان تلاقي حل لمرض نادر"
وقالت بسمة أيضًا "أحب اقولك انتي واللي زييك ربنا ما يحكم عليكي يا بنتي باللي في الواحد واحمدي ربنا انك مش مضطره تسافري عشان تلاقي حل لمرض نادر".
أضافت "من فضلكم إرحمونا وسيبونا في حالنا أنا صاحبتي وفاء ماتت من الحسد ".
وكانت بسمة نعت منذ أيام صديقتها المقربة سفيرة النوايا الحسنة وسيدة الأعمال وفاء بن خليفة عبر انستقرام حيث كتبت "رحم الله ارواح لن تعوض مازلت في حيرة وصدمة فراقك يا وفاء اللهم نور مرقدها وآنس وحشتها واچمعني بها في الجنة. اللهم هون علينا الم الفراق وعذاب البعاد".
