مازالت أزمة أحمد يحيي حارس مرمى الإتحاد السكندري تتصدر العناوين وحديث الناس على السوشيال ميديا، والذي وبالرغم من وفاة شقيقه واستكماله مباراته الأخيرة، تعرض لحملة تنمر وهجوم من البعض بعد دخول 5 أهداف في مرماه.
ويبدو أن ما حدث دفع أحمد يحيي مساء أمس للإعلان عن اعتزاله في رسالة شاركها عبر الفيسبوك قائلاً : "شكرا جمهور مصر على الدعم والمساندة، شكر الله سعيكم جميعًا ولا يريكم الله مكروه أو سوء فى عزيز لديكم يارب.. بعد أحداث الامس ،قررت أعتزال كرة القدم نهائيًا وإنا لله وانا اليه راجعون وعند الله تجتمع الخصوم".
خبر اعتزاله شكّل مفاجئة عند جماهيره الذين طالبوه بالتراجع عنه، ومن بينهم زميله في الفريق محمد عبد المنصف زوج لقاء الخميسي، الذي قال أنه سيتحدث معه للتراجع عن الإعتزال في مداخلة هاتفية في أحد البرامج. كما أعلن خلال المداخلة أيضاً عن إعتزاله كرة القدم مع إنتهاء الموسم الحالي.
لقاء الخميسي تدعم أحمد يحيي
في الوقت نقسه، قدم عدد من النجوم الدعم ليحيي، ومن بينهم لقاء الخميسي التي قالت : "الحقيقة ان الواحد ساكت بقاله سنين بس اللي حصل انهارده لا يسكت عليه ! الاخلاق راحت فين ؟! الانسانيه راحت فين ؟ ايه بجد اللي حصل للناس ؟! مشهد بائس ومخيف ولايمت للإنسانية بصلة . احمد يحي حارس مرمى الاتحاد السكندري .. حارس مرمى مثابر ومجتهد وانسان خلوق وشاب في بدايات مستقبله ، اتوفى اخوه من يومين ونزل الملعب ولعب ووقف وصد وعمل اللي عليه كله والاخطاء ماتخصوش وحتى لو تخصو ودا مش حاصل !".
وأضافت: "ليه الاهانات ليه الشتيمة ليه التعدي بالفاظ خارجة ليه كل دا .. ياعالم دي رياضة رياضة مش خناقة مابين بلطجية دى متعة مش تعنيف! ايه بقى امتى هاتفهم ان لاعب الكره بني ادم بيؤدي شغله وبيحس وبيحلم وعنده اهل بيزعلو اما بيتهان وهما يتهانو معاه وعنده ام بتزعل وزوجة بتتجرح على جرحة .كفاية بقى كفاية تكرهو الناس في عيشتهم وشغلهم اللي بيبذلو فيه مجهود وبيحبوه. ماحدش ليه حق مطلق في الشتيمة والاهانة .. اي حد بيشتم هل يقبل انه يتشتم ويتهان !!! هل تقبل دا عليك وعلى اهل بيتك . اتقوا الله بقى اتقوا الله".
