بعد الانتقادات التي لاحقت تامر حسني طوال اليومين الماضيين، على خلفية مشاركته في إعلان لإحدى الشركات، باعتبارها داعمة للاحتلال الإسرائيلي، حسم تامر الجدل بالرد عبر السوشيال ميديا .
تامر حسني يرد على جدل إعلان رمضان
ونشر تامر صورة السجل التجاري الخاص بالشركة، ليُثبت أنها شركة مصرية، قائلاً : "مساء الخير عليكم.. بقالي يومين بتابع اللي بيحصل واحتراماً للجميع.. أنا بوضح حاجة بخصوص الإعلان الأخير.. أولاً: أنا على قوة الشركه من سنتين قبل أي أحداث وده مش أول إعلان.. ده ثالث إعلان في عقدي، معلش أحياناً الكلام عند بعض الناس بيبقى سهل وتحديداً لما بيكون بدون علم بالعقود وبحيثيات الموضوع كله".
وأضاف: "ثانياً: أنا مضيت على عقد مكتوب فيه إن الشركة مصرية، ولها سجل تجاري ضريبي مصري منفصل، والبند قدامكم أهوه لصدق كلامي.. ثالثاً: الأهم لأي حد بيشكك في انتمائي للقضية الفلسطينية، هقوله أنا من 20 سنة وأنا في ضهر القضية ومش كلام وأغاني بس ل.. أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته و يروح بنفسه معبر رفح أثناء الضرب مجاملة مثلاً".
وتابع: "واجب عليا التوضيح للجميع وللي مش واصل له الصورة بكل احترام.. و شكراً لكل اللي ردوا عني و هما مغمضين.. حقيقي انتغم نعمة كبيرة من ربنا.. ألف شكر ورمضان كريم على الجميع".
