بعد وصول حالة الطفل مصطفى شاهين الذي يعاني من شلل بجهازه الهضمي لـ تامر حسني، قام تامر بزيارته في منزله حيث لم يصدق مصطفى أن تامر من حضر واعتقد أن الموجود أمامه شخص يشبه تامر.
والدة مصطفى شاركت فيديو عبر صفحة مصطفى على فيسبوك يظهر زيارة تامر لهم بالمنزل، معلقة "أول ما حالة مصطفى وصلت للفنان تامر حسني، لقيناه بعدها بساعة جاي من آخر الدنيا جري من منطقة الشيخ زايد للتجمع الخامس عشان يطمن على مصطفى و بالصدفة مصطفى اصلاً بيحب تامر حب مش عادي و بيتفرج على أفلامه هو بس لدرجة لما شافه مصدقش و افتكر أن ده واحد شبه تامر".
تابعت "ابني عنده شلل في الجهاز الهضمي كله مفيش أمعاء ولا معدة ولا بنكرياس و لما بيتوجع مينفعش ياخد مسكن أو أي دوا يعني ألم طول الحياة و مفيش صحة نهائي و دا مأثر على إدراكه، نفسي ابني يرجع زي صورته اللي في أوزل الفيديو قبل المرض".
وطلبت من متابعي مصطفى بالدعاء له ومن المسؤولين بانقاذه لاجراء عملية تتجاوز تكلفتها الـ 36 مليون جنيه "ادعوله أرجوكم و ناشدوا معايا كل الجهات المسؤولة في دولتنا العظيمة أنقذوا مصطفى الموضوع مش سهل و مش أي حد يقدر يعمله لصعوبة الخطوات و التكاليف اللي بتتجاوز 36 مليون جنيه الموضوع أكبر من الأشخاص عشان كدة اتمنى صوتي يوصل لكل الجهات المعنية الفاضلة و شكراً لكل اللي حاولوا يساعدوني".
وتوجهت في ختام المنشور بالشكر لتامر "شكراً يا تامر على سرعة استجابتك و على كل اللي قولته واللي عملته امبارح واللي لسة بتحاول تعمله عشان طفل انت متعرفهوش ربنا يراضيك يا ابني و ينصرك و يسترك دنيا و آخرة".
تامر حسني لمصطفى "حتبقى فولاذي"
تامر جلس مع مصطفى وعائلته وقدم لهما كل الدعم وغنى لمصطفى "خليك فولاذي" و قال له "حتبقى فولاذي و الله حنقدر نعملها باذن الله ".
يذكر أن المرض الذي يعاني منه مصطفى وبحسب صفحته على فيسبوك يسمى " اسمه CIPO و تم استئصال القولون كامل و يحتاج الي زراعه جهاز هضمي كامل من خمس أعضاء كي يتمكن من العيش منهم المعدة و الأمعاء و الطحال و البنكرياس".
