تامر حسني شارك متابعيه على إنستغرام بصورة له واضعًا مشد معلق بالذراع، مطمئنًا جمهوره برسالة مليئة بالطاقة الإيجابية وروح الدعابة المعتادة.
تامر حسني :"الحماس خدني شوية واتصابت"
في منشوره كتب تامر: "يا صباح الهنا. للي كان بيسأل و مهتم كتر ألف خيرك. دي عملية بسيطة في دراعي بسبب إني قررت أخس ١٥ كيلو و غيرت شكل الرياضة خالص بقيت بلعب ألعاب تانية تماماً كلها fitness."
وتابع: "بس الحماس خدني شوية و اتصابت فحصل اللي حصل، والحمدلله كنت بلبس اللي في دراعي دي شوية و بشيلها بس خلاص النهارده بالليل هشيلها خالص، وشكراً حبايب قلبي على اهتمامكم، يارب مشوفش فيكم أي سوء."
رسائل النجوم والأصدقاء
عدد من النجوم بادروا بالتعليق على منشور تامر، بينهم مصطفى قمر الذي كتب: "تمورة ياعسل حمد الله علي سلامتك يابطل ربنا معاك ياحبيبي أجر وعافية بإذن الله." أما أحمد زاهر فقال: "مليون سلامه عليك يا حبيبي إن شاء الله تبقي زي الفل."
كما عبّر عدد من محبي تامر عن حبهم له برسائل مليئة بالمشاعر، مثل: "الف مليووون سلامه عليك يا تيموو ربنا يخليك لينا يا نجم الجيل" و "حبيبي ألف سلامة عليك ويبعد عنك أي ضرر أو شر ويقويك."
تامر يحتفل بعيد ميلاد ابنه آدم
من جهة أخرى، كان تامر قد احتفل مؤخرًا بعيد ميلاد ابنه آدم، حيث نشر عبر خاصية الستوري رسالة مؤثرة كتب فيها: "ابني آدم ... ربنا يحفظك يا حبيبي و أشوفك في يوم من الأيام أنجح وأسعد وأنفع الناس، ربنا يحميك ويحرسك يا حبيبي أنت وكل اللي زيك، وتكبر وتبقى ضهر وسند لإخواتك ولينا كلنا."
