بيرين سات وكينان دوغلو يردّان على شائعات الحمل

ليلى أحمد زاهر تختار زهير مراد لـ ليلة العمر

مسلسل المؤسس عثمان الحلقة 189 .. هل تموت حليمة!

شيرين عبد الوهاب تكشف عن أفضل 3 مسلسلات في رمضان 2025

العضوية الشرفية لـ أصالة و فضل شاكر من نقابة الفنانين السوريين

بسمة بوسيل وحلا الترك وغيرهن باطلالات ملفتة في Emigala 2025

وفاة صانع المحتوى شريف نصار وسط اتهامات بالتنمّر الإلكتروني

إطلالات ملفتة لـ سيرين عبد النور وماغي بو غصن في دبي

مسلسل آسر الحلقة 19 .. رامي يفتح ملف مجد من جديد

أحلام في تصميم غير تقليدي بالألوان الهادئة

تامر حسني ينهي الخلاف بين نصر محروس ودياب

ET بالعربي | 03 أغسطس 2021
تامر حسني يتوسط نصر محروس ودياب

تامر حسني يتوسط نصر محروس ودياب

استطاع تامر حسني أن ينهي الخلاف بين محمد دياب والمنتج نصر محروس وذلك بعد خلاف بين الثنائي حول العقد الموقع بينهما والذي ينص على طرح دياب 8 ألبومات خلال ثماني سنوات، حيث أقنع تامر نصر محروس بالتنازل عن الشرط الجزائي.

وشارك تامر حسني فيديو على صفحاته على مواقع التواصل الاجتماعي وهو في منزل نصر محروس مع دياب، وقال: "النهاردة في قعدة صلح كده جميلة، ربنا قدرنا واتجمعنا، احنا أول بيت كلنا خرجنا منه شركة "فري ميوزك" الأستاذ نصر محروس، والنهاردة في صلح جميل حصل وانشالله مش حيبقى في أي مشاكل".

وتابع: "أنا بشكر أستاذ نصر ان هو النهاردة قال كلام كتير بحق دياب ومعتبره أخوه الصغير، وهو خلاص مش عايز أي حاجة منه وربنا يكرمه واتمناله كل الخير والنجاح ودياب شكره جداً واعتذر عن أي سوء تفاهم، لأنه طبعاً انتوا عارفين لما يكون في الناس في النص بتوصل حاجة غلط، لما يبقى في عقلاء بالنص يعدوا الأمور، والأمور بتمشي بما يرضي الله".

وعلق نصر محروس في الفيديو نفسه وقال: "تامر أخويا الصغير وابني الكبير اللي بفتخر فيه وبحترم مجهوده اللي بيعمله، وما قدرش أتأخر بطلبه، ودياب أخويا الصغير وهو تربى في البيت ده. أنا بس اللي صعبان عليّ ان اللي بين الحبايب يبقى بينهم واللي عايز حاجة من أخو الكبير يجي يطلبها، فأنا زعلت من دياب في مواقف انما قلبي من ناحية دياب بيتمناله كل الخير. أنا ما قدرش أمنع الشغل عن حد لأن أنا مش ربنا، ربنا هو اللي بيرزقنا كلنا، ودياب أنا تعبت في أوي ولا اتمناله أي شر"، وتمنى لدياب التوفيق والسعادة والنجاح، وعبّر عن فخره بكل نجاح يحققه في مسيرته المهنية على غرار ما يشعر به اتجاه تامر.

نصر محروس

وأشاد نصر بموهبة دياب التمثيلية، وقال: "دياب ممثل قوي، هو تقريباً أدوار الشر اللي عملها جيه طلعها عليّ".

وشكر محمد دياب نصر محروس وقال: "أنا بشكر الأستاذ نصر محروس وبعتذر له على أي سوء تفاهم وبعتذر له لو بدر مني أي إساءة، بعتذر له لأنه أخويا الكبير وأبويا الروحي، وأنا دايماً بقول ان الرجل ده كان سبب في أنا أبقى على الساحة والناس تعرفني".

تامر حسني

وشكر دياب تامر للصلح الذي سعى إليه، ونصر محروس الذي تخلى عن الشرط الجزائي بحق دياب.