غضب كبير من نجوم لبنان بعد الإنفجار في منطقة مرفأ بيروت، حيث توجهوا برسائل عبر السوشيال ميديا عبروا فيها عن إستيائهم الشديد من طريقة التعاطي مع الكارثة.
مايا دياب غردت، "الله لا يوفقكن يا رب.. هيروشيما بيروت"، إليسا كتبت عبر حسابها على تويتر، "ما عم فيني إحتوي غضبي على اللي صار. هيدا البلد بيستاهل أحسن من هيك"، وأضافت "حدا يوعي للرئيس ، لك فل و خلصنا انت و صهرك وحكومتك الفاشلة، العالم ما عم تصدق شو صار ببيروت، لك هيدي بيروت ،حرام والله حرام! الله لا يسامحكن".
ماغي بوغصن غردت عبر تويتر، "حسبيَ الله ونعمَ الوكيل. حسبيَ الله ونعمَ الوكيل. اهمالكم يا مجرمين عمل مجزرة جماعية ولك انتو أسوأ من العدوووو. الله ياخدكن الله ياخدكن".
من ناحيته، كتب وسام حنا "اذا عندكن شرف يا بلا شرف بتستقيلوا من كبيركن لصغيركن".
أما يوسف الخال، فشارك بوست عبر حسابه على الإنستغرام، "كلّو مقصود ومبرمج وموقَّت بدقّة..لا سمح الله انشالله ما يكون حدث كبير يسبق حدث أكبر سيحدث..بعتذر سلف بس شو هاللعنة والنحس اللي صايبين لبنان؟ غريب..".
