ما الذي حدث في زفاف ريم سامي؟

وفاة طوني صوايا مصفف شعر أبرز النجمات العرب

نادين نجيم ترد على طبيب التجميل الذي انتقدها

ردّ سيرين عبد النور على المنتقدين بعد تمنيها الشفاء لـ أسماء الأسد

جيسون موموا يعلن عن علاقة حبه رسمياً مع أدريا أرجونا

خطط لمنح مسلسل المتوحش Yabani فرصة أخرى هذا الأسبوع

تفاصيل جديدة في قضية وفاة أشرف عبد الغفور

تمديد مسلسل الطائر الرفراف الموسم الثاني لحلقة إضافية

زواج علي ناصر جودة ابن الأميرة سمية بنت الحسن

أول تحديث رسمي من قصر كنسينغتون عن عودة الأميرة كيت ميدلتون

تفاصيل ما حصل في ندوة فيلم الحريفة وتأكيد على وجود جزء ثاني

ET بالعربي | 22 فبراير 2024
من ندوة فيلم الحريفة - صورة من السوشيال ميديا

من ندوة فيلم الحريفة - صورة من السوشيال ميديا

على هامش ندوة فيلم "الحريفة" التقى ET بالعربي بمؤلف العمل ومخرجه وبعض النجوم الذي تواجدوا بالندوة التي أقيمت في جامعة auc، وذلك بعد النجاح الكبير الذي حققه الفيلم لغاية الآن.

VT- تفاصيل ما حصل في ندوة فيلم الحريفة

طارق الجنايني رأى خلال حديث مع ET بالعربي أن ما حصل في الندوة استمرارية للذي كان يحصل منذ فترن منذ حوالي الشهر تقريبا.

تابع "فكرة أن الواحد بيرجع جامعته بتكريم زي ده حاجة تبسطنا أوي يعني"، مضيفًا "مبارح فجرنا 3 مفاجآت"، لافتا الى أنه "عندنا challenge كبير قوي، ان احنا ازاي نعمل جزء ثاني أحسن من الجزء الأول و نتوقعله نجاح أكبر كمان، مضيفا أنه "أخدنا قرار الجزء الثاني بعد أول 6  او 7 أيام تقريباً بس ماكناش متأكدين اننا هنقدر نعمل كدة لغاية ما نلاقي فكرة نعمل بيها احسن من اللي احنا عملناه".

طارق الجنايني من ندوة فيلوز

وردًا على تصريح شريف عرفة أنه قال "انتم ادتوني أمل في السينما من جديد" قال: انا اول مرة نزلت لوكيشن تصوير في حياتي كان في سنة 2001، مع أستاذ شريف ، كنا بنعمل إعلان وقتها لشركة محمول ومكنتش اعرف وقتها يعني إيه تصوير و كاميرات، كنت شغال ساعتها مع طارق نور، فإن المكالمة دي تجيلي من استاذ شريف دي كان لها طابع خاص لأن استاذ شريف هو اللي بدع الخط ده، استاذ شريف هو اللي عمل أفلام بناس كان بيديهم فرصة لأول مرة وبعد كدة بقوا نجوم كبار جداً زي علاء ولي الدين الله يرحمه و كتير تانيين، ففكرة انه يحس اللي احنا حاسيناه تجاه الفيلم بحاجة زي كدة ده كان بالنسبه لنا حاجة كبيرة أوي".

طارق الجنايني عن إيرادات فيلم "الحريفة": إحنا الناس نصرتنا

وعن الايرادات المتصدرة للفيلم قال " ان الإيرادات بالنسبة لي بتبقى علامة نجاح اكتر من ما هي شئ مادي، احنا الناس نصرتنا، احنا عملنا كل اللي نقدر نعمله بالفيلم ده، و الحمد لله الناس شافوا اللي احنا شفناه ونصرونا".


رؤوف السيد عن قلقه من جزء ثاني للفيلم: البطل هو الورق

رؤوف السيد اعتبر أن حب الناس وتواجدهم لحضور فيلم الحريفة كان فعالا، مشيرا الى أن عدد الحضور فاجأهم "حاجة لذيذة جداً احنا إتخضينا طبعاً من العدد ده، والناس كلها حابة "ششتاوي" وحابة الولاد وحابة "كزبرة"، وبجد كانوا لذاذ جداً .

رؤوف السيد

وعن وجود جزء ثاني قال: "إحنا متكلمين مع أستاذ طارق وكدة كدة واحنا بنكتب كنا متخيلين أن يبقى في جزء ثاني و جزء ثالث بس إحنا كنا متفقين إننا نشوف ردود أفعال الناس، و ااتكلنا على ردود أفعال الناس كنا بنشوف إيه اللي هيحصل، وكلنا متفقين اننا مش هنعمل جزء ثاني عشان نركب على النجاح ده لأ احنا محتاجين نعمل story حلوة و storyline مهمة جداً".

مخرج فيلم الحريفة

وعن قلقه من الجزء الثاني قال " أنا بالنسبة لي البطل هو الورق، وكدة او كدة احنا معانا منظومة حلوة جداً، معانا منتج مهم بينجحك، معانا كاتب بيكتب كويس جداً و منظومة الجزء التاني اتعملت من "الفيل الأزرق" و "ولاد رزق" وكانوا ناجحين جداً لان البطل هو الورق ونفس الكاست والابطال موجودين مليون في المية و هنزود عليهم حاجات".

مي التي تعرف عن نفسها بأنها general manager project empower اتحاد الطلبة قالت عن حضور الناس: "دي أول مرة يجيلنا عدد كبير أوي أوي و المكان يتملي، بصراحة هما كاست قوي جداً والفيلم فعلاً مع إن عدى عليه وقت كتير، بس هو لسه قوي و الناس متحمسة تشوف أبطاله وكدة، فـ إحنا بصراحة اتفاجئنا بالـ feedback و كمان الكاست نفسهم لذاذ جداً ومتعاونين جداً معانا".

مي المتحدثة باسم اتحاد الطلبة

إياد صالح : استقبال مبهر  

وعن أستقبال الناس خلال الندوة التي اأقيمت قال: "مبهر جدا جدا، مش متخيل العدد مش متخيل الناس مكنتش متخيل الناس يكونوا متفاعلين بالطريقة دي الموضوع يخض يعني، وأعتقد كمان أن بالنسبة لأولاد الممثلين، يعني الموضوع عظيم"، مكضيفا "واحنا بنعمل الجزء الأول كنا بنتكلم على أننا ينفع نعمل جزء تاني قبل التصوير، وقبل كل حاجه، بس كان وجهة نظرنا و كانت وجهة نظر أستاذ طارق اكتر، أنه بلاش نبني على أن احنا بنعمل أجزاء، احنا نعمل الجزء الاولاني، ونشوف لو الناس حبت الابطال وحبت الفيلم نعمل الجزء التاني".

إياد صالح

تابع: "بدأنا نبص لبعض من بعد اسبوعين من نزول الفيلم، أن نعمل جزء تاني نعمل الجزء التاني من الفيلم، في حصل مناقشات كبيره بينا وبين طارق، وطارق كمان عنده تفاصيل ليها علاقه بالإنتاج والتوزيع والحاجات دي، ف في مسافه بين أن احنا نقول يلا ولحظة أن هو يقول للناس يلا هنعمل كدا،احنا اه شغالين على الفيلم بس صعب اوي اقولك اي حاجه غير أن الابطال هما هما موجودين، اه هيزيد عليهم ناس بس الحريفه الجزء التاني زي ما هما موجودين ".


أحمد غزي: قدمنا حاجة مختلفة في الحريفة

من جهته أحمد غزي قال أن "أكثر ما يفرحه هو قيامهم بهذا الفيلم كمجموعة شباب، و قدمنا حاجة مختلفه، والحمدلله الناس استقبلتها بشكل حلو اوي اوي الحمدلله"، مضيفًا " الناس سعيدة وحبت الشخصيه دي ودي حاجه بالنسبالي حاجه كبيره قوي قوي".

أحمد غزي

 وعن رأيه بجزء ثاني للفيلم قال: "أعتقد أن من الأول خالص كان في أن هو يتحمل أن هو يتعمل منه جزء تاني بس بعد اما شوفنا قد اي الناس مبسوطه وقد اي الناس استقبلت الفيلم بشكل حلو اعتقد ده قرار ودي بقيت مسؤوليه أكبر لان احنا الناس بقيت متوقعة تشوف مننا حاجه حلوه اوي واحنا ان شاءالله أن شاءالله نعمل حاجه حلوه اوي أن شاء الله".