الواضح أن حسام حبيب، وبالرغم من طلاقه من شيرين عبدالوهاب، كان حريصاً على الدفاع عنها على خلفية أزمتها مع شقيق محمد رحيم، وذلك بعد أن أخطأت بلفظ خلال حفلتها بالكويت :"يلا نقرأ الفاتحة لمحمد رحيم، خلينا نعمل سيئة جارية". والجدير بالذكر هنا أن شيرين تداركت الخطأ وقتها واعتذرت.
وكتب حسام حبيب عبر حسابه على إنستقرام:"بجد هو في كده أخ أثناء موت أخوه وزي ما هو قال دمه ما بردش بيقولك أحنا من عادتنا في الظروف دي مانتفرجش على حاجة وهو داير على كل البرامج حاجه غريبة وسايب كل ده وماسك في زلة لسان، ماسمعش وماخدش باله أنها كرمته وافتخرت بشغله معاها وطلبت من الاف الناس الحضور وملايين المشاهدين بقراءة الفاتحه والدعاء له وكلنا عملنا كده علشان هي فكرتنا يا راجل ده انت ما عملتهاش ومسك في غلطه مش مقصوده واعتذرت عنها في وقتها هو فيه كده".
وتابع :" بس عاوز اسألك سؤال هو حضرتك طلعت في كام برنامج وكام مداخله من ساعه الوفاة وهل كانت مدفوعة الأجر ولا بدون واخر طلب ممكن نشوف شهاده الدكتوراه ولو حرضرتك مش عاوز تجاوب أنت اكيد حر وفي حاله عدم الجواب اكيد الكل هايفهم".
وأضاف حسام حبيب:"وحابب اقول للناس برضه اللى شبه الاخ ده و دايما بيفترضو سوء النيه و عندهم نظريه المؤامره، أن اللي يقول الحق يبقى منتفع أنا مش بدافع عن حد أنا حتى عمرى ما دافعت عن نفسي مع إني قادر أعمل كده بس أنا دايما بختار السكوت فيما يخصني و بتوكل على الله أنا بدافع عن الحق من وجهه نظری و اللى مش عاجبه عارف يروح يشرب من فين".
كما حرص تامر حسني أيضاً على الدفاع عن شيرين عبد الوهاب، حيث كتب:"واثق إنها زلة لسان من شيرين لأن شيرين من أكتر الناس اللي بتحب محمد رحيم الله يرحمه، ومن اكتر الناس اللي عارفة قيمته لأنها فنانة كبيرة بالإضافة إلى أنها اعتذرت على المسرح في وقتها ونيتها كانت تكريم وطلبت الفاتحة من الجمهور".
ووجه تامر حسني رسالة لمنتقدي شقيق محمد رحيم، قائلا:"إنما بقى التوتر الشديد والصدمة الكبيرة اللي مستحوذة على الدكتور طاهر أخو رحيم مخليينه في حالة نفسية صعبة جدا، ربنا ما يوريها لحد مخليينه مش عارف يفكر بأحسن شكل لفراق أخوه اللي كان كل شيء في حياته، ارحموا من في الأرض، يرحمكم من في السماء".
