شارك حسن أبوالروس، بوست عبر حساباته الرسمية على السوشيال ميديا، كتب فيها "النهارده تعرضت لموفق غريب جداً يمكن لأول مره يحصلي، .وأنا داخل مطار تركيا ومعايا الڤيزا قرروا ميدخلوناش وقعدنا في المطار 8ساعات…الحمد لله عرفت اوصل لحكومتنا اللي وقفت جنبنا …..واهتموا بالموقف بجد وبعتولنا ناس دخلتنا تركيا رافعين راسنا …. بجد شكرا للسادة المسئولين على اهتممهم بالمصريين في الخارج…..تحيا مصر".
ET بالعربي تواصل مع حسن أبو الروس لمعرفة تفاصيل ما حصل، فقال "أنا تمام كويس الحمدلله بس اللي حصل مبارح إني قعدت في مطار إسطنبول 10 ساعات لإن الفيزا اللي أنا كنت جايي فيها فيزا أونلاين، وحصل سوء تفاهم بيني وبين التأشيرات لانهم مكنوش معترفين بيها ولا كنت عارف أرجع القاهرة ولا روح المكسيك تاني"، وأضاف "بس الحمدلله حكومتنا المصرية بشكرهم أوي لإن أول ما استنجدت بالمسؤولين وصلولي وظبطوني وكله تمام فبشكر السلطات المصرية وبجد فخور إن أنا مصري".
