في مقابلة حصرية مع "ET بالعربى" كشف حسن الرداد عن كواليس تصوير مسلسله الجديد "عقبال عندكوا" مع زوجته إيمى سمير غانم، أثناء حملها في طفلها الثاني.
وقال حسن الرداد إن التصوير كان مجهدًا وصعبًا على إيمى، لكنها كانت متحاملة على نفسها، مشيرًا إلى أن الجميع كان يساعدها، بالإضافة إلى أن المخرج علاء إسماعيل كان يساندها طوال الوقت، مما خلق أجواء من البهجة والكوميديا خلال التصوير.
وعن نوع الجنين، أكد حسن أنه لا يعرف بعد، وقال: "اللى يجيبه ربنا كويس، مش بفكر في النقطة دى، لكن بدعى دايمًا ربنا يرزقني بطفل صحته كويسة سواء ولد أو بنت ويكونوا صالحين".
وعند سؤاله عن اسم المولود، أضاف حسن: "لو جت بنت، أكيد هسميها على اسم مامتي، ولو ولد إيمى تختار اسمه حتى لو سمير الصغير، اللى هي عايزاه".
