كشف حسن الرداد لـ ET بالعربي كواليس طريفة من حياته مع زوجته إيمي سمير غانم، موضحًا سر اهتمامها المبالغ فيه بالنظافة، وذلك بعد الجدل الذي أثارته “كيكة عيد ميلادها”.
وقال حسن الرداد لـ ET بالعربي: "هي إيمي من الناس اللي عندها النظافة طبعًا أوفر، فالبيت مش هتلاقي فيه ترابة، فلو دخلت دبانة في البيت يبقى حالة طوارئ، وفعلاً مش بأوفر هي فعلاً بتضايق والموضوع كبير، وإزاي دخلت الدبانة، وتحب تعرف هي الدبانة دخلت منين، عشان يبقى في حد مقصر فتح حاجة عشان كده دخلت".
وأضاف مازحًا: "قومت كاتب ليها على التورتة إني في دبانة دخلت البيت"، في إشارة لطيفة إلى مدى حرصها الشديد على نظافة المنزل.
وأشار إلى أن إيمي لديها علاقة خاصة مع من يساعدونها في المنزل، حيث تعيش معهم تفاصيل يومية وقصصهم الخاصة، قائلًا: "في ناس معاها بيساعدوها في البيت، فهي عندها قصص كتير مع الناس دي في عالم تاني، بمشاكلهم بحياتهم، فطول الوقت هي عايشة معاهم في عالم تاني".
