أكد المايسترو حمادة أبواليزيد، وكيل أول نقابة الموسيقيين، في لقاء مع ET بالعربي أن النقابة تنازلت عن حقها في قضية حمو بيكا، وقال "اتنازلنا عن القضية لـ حمو بيكا بس دا مالوش دعوة باشتراكه في النقابة، يقدم امتحان لو نجح نجح، ولو طور نفسه والتزم اوك"، وعن اعتماد نتيجة الامتحان، قال "هي النتيجة هتعتمد للناس اللي نجحت، اما الناس اللي منجحتش طبعاً لم يوفقوا، لا يصلح".
وعن عمر كمال، قال أبواليزيد "هو كان عندنا عضو منتسب، بس اتوقفت عضويته لما حصل الحاجات دي انو بيغني مع مطربين مش اعضاء والحاجات دي، ولما اعتذر وقدم التباس رجعت عضويته، انما هو نجح سابقاً لأنه بيغني كويس".
أما بالنسبة لـ حسن شاكوش، قال أبواليزيد "هكون معاك صريح، شاكوش دخل الإختبار، في حاجات ناقصة في أوراقه، ما استكملهاش لغاية دلوقتي، فلا يمكن تعتمد نتيجته، هو من ناحية الكتابة كتب بنسبة 60 لـ 70 في المية، وأول ما يكمل ورقه ويلتزم بقرارات النقابة خلاص".
