"رايق".. هو عنوان الأغنية الجديدة التي أطلقها حمزة نمرة، ويبدو أنها موجهة فقط إلى الأشخاص الذين يقررون التوقف عن الجري بسرعة والمشي على مهل للاستمتاع في الطريق، والحياة بشكل رايق.
ويظهر حمزة في الفيديو كليب وهو يقود سيارة كلاسيكية في الجبال الوعرة، وكان يظهر وحيداً وكأنه يهرب من شيء ما ويبحث عن مكان رايق، ليصل في النهاية إلى شاطئ البحر، ويصعد إلى مكان مرتفع يجلس فيه أمام البحر ويتأمل فيه، ويشكل لوحة عنوانها "الرواق".
الأغنية من كلمات الشاعر محمود فاروق، ألحان أندريه مينا وحمزة نمرة، توزيع مكساج أندريه مينا.
حمزة استطاع أن يحصد حوالي 650 ألف مشاهدة على اليوتيوب خلال 24 ساعة على إطلاق الأغنية فقط، وتفاعل الكثير من المتابعين مع البوستات التي شاركها للترويج للأغنية على إنستقرام.
وتعتبر أغنية رايق، هي الأغنية الأولى من ألبوم كامل يبلغ عدد الأغاني فيه 13 ، وتحمل الأغنية الأولى التي أطلقها بعنوان "رايق" اسم الألبوم كامل.
حمزة نمرة يوضح سبب تسمية الألبوم "رايق"
وعن سبب تسمية الألبوم الجديد بـ "رايق"، أوضح حمزة نمرة ذلك من خلال بوست مطول على إنستقرام، قال فيه "رايق.. قليل اوي اللي عرف يوصل للحالة دي. كل حاجة حوالينا بقت بتزود القلق.. تفتح موبايلك وتقلب في صور الناس وأخبارهم تحس إنك في سباق وكله سابقك و متأخر وفايتك كتير أوي".
وأضاف، "لازم تجري عشان يادوب تحصلهم.. لكن مهما جريت أو أنجزت برضه حاسس إنه مش كفاية، يمكن قدراتك وظروفك مش دايماً مساعداك. او يمكن مكتوبلك حاجة احسن…".
وتابع كلامه قائلاً: "أنا سميت الألبوم ده رايق عشان أنا فعلاً عايز أكون رايق، و عايز أبطل قلق.. ف لحظة كده وقفت وقلت لنفسي: ليه لازم أجري أصلاً! ومين قال إني في سباق.. مش فايتني كتير ولا حاجة.. خليني رايق.. رايق وتقيل وراسي..".
وبين أن هذه أغنية رايق، هي موجهة لكل واحد قرر يبطل جري و يمشي على مهله.. ويستمتع بالطريق معاه.. والأهم يعيش رايق.
كلمات أغنية "رايق" لـ حمزة نمرة
تقول بعض كلمات الأغنية
مش فارق مين عليا
ولا فارق مين معايا
ولا فارق مين سابقني
ولا فارق مين اللي ورايا
كان صاحب ولّا عشرة
كان أ صلي ولّا قِشرة
كات أوضة ولا فيلّا
كان شايب ولّا بصرة
رايق رايق رايق
رايق وتقيل وراسي
وعايشلي دور مقاسي
رايق رايق رايق
راصص الكراسي
لحبايبي بس وناسي
ولا بتعب في الغياب
ولا بفرح بالمدد
ولا بادخل في اكتئاب
ولا بقلق م الحسد
مش هفتح باب يدايق
ولإن مزاجي رايق
لا هشارك في المسابقة
ولا عايز حتى اسابق
باضحك على قد سنّي
وسنّي يسمحلي أغني
والخدمة الحلوة منكم
لما تفكوكوا منّي
كله عارف تمامه
لا هنزّل أو هعلّي
كله ياخد مقامه
مايخدش زيادة نص ملّي
