برنامج "قطايف" مع سامح حسين واحد من أبرز البرامج الرمضانية على السوشيال ميديا. يناقش القيم الإنسانية والاجتماعية بشكل خفيف ومبسط، حيث يظهر سامح في مقاطع فيديو أمام الكاميرا، موجهًا كلامه مباشرة للجمهور.
و يعكس البرنامج روح رمضان من خلال طرح مواضيع قريبة إلى قلوب الناس، وقد لاقى استحسانًا واسعًا و دعم و حب الجمهور لفكرته و محتواه، و كيفية تقديمه.
كما نال البرنامج دعما كبيراً من نجوم الفن و من الرئيس السيسي الذي علّق على البرنامج، في إفطار جمعه بـ سامح حسين قائلا: "فين القطايف يا حسين" و "اتفضل خلينا نحلي بقى".
و جاء دعم نجوم الفن له أيضا، حيث شارك أشرف عبد الباقي منشورا على السوشيال ميديا مؤلف من 3 صور تجمعه مع سامح حسين في أعمال مختلفة و كتب "سامح حسين عامل برنامج حلو قوي اسمه قطايف، وسامح بعتبره اخويا الصغير من يوم ماقابلته وهو عامل معايا دور صغير في مسرحية اسمها حلو وكداب شفت انه هايبقي ممثل كوميدي شاطر".
و تابع كلامه "وكان بيعمل مجهود كبير في اكتر من مجال جنب التمثيل، وشاب جدع ويعتمد عليه، ولما اتعرض عليا فيلم لخمة راس رشحته واتقابلت انا وهو واشتغلنا علي الشخصية وحقق نجاح في الدور وده شجعني ارشحه في راجل وست ستات وبعدها ربنا كرمه لمجهوده وحبه للشغل وانطلق بعدها، ووقت ماكنت بعمل مسرح مصر اتفقت معاه انتجله مسرحية للاطفال اسمها علي بابا وبرضه كان قد الثقة، وحالياً لقيته عامل برنامج علي السوشيال ميديا هايل وهادي ومناسب جدا لرمضان الف مبروك النجاح ياابو السماميح".
فيما شاركت رانيا محمود ياسين صوره لـ سامح أمام السيسي، و كتبت "ياريت نعرف و نفهم ان الشئ له قيمه انسانيه واخلاقيه هو الي بيترك الأثر الطيب في قلوب الناس وده الي يبحثوا عنه، بعكس ماهو متعارف عليه ان الحاجات التانيه هي الي بتجيب المشاهدات العاليه".
و تابعت كاتبة "وياريت ونترك الغث والسئ و نبعد شويه عن الدراما الي كلها ضرب وزعيق وعقوق والدين وتهزيق الأبن لأمه وتحقير الام لأبنها وكتير بقي مش عايزه اتكلم و ياريت تعود الدراما ألي بتقدم قيمه انسانيه ومشاعر وافكار تبني من قيم المجتمع شكرا يا ريس وشكرا يا سامح و شكرا رب العالمين علي نصره الخير علي الشر برغم من قوته في الدنيا"
