أكدت دينا الشربيني خلال لقائها مع ET بالعربي، أنها إنتهت من تصوير 50 بالمئة من مسلسلها لموسم رمضان المقبل "قصر النيل"، وبذلك نفت كافة الشائعات التي تحدثت عن توقف التصوير، وعن دورها في المسلسل قالت دينا "هو مش شبه حاجة عملتها بس مختلف عن كم سنة اللي فاتوا وهو في الستينات، يعني القصة فيها وانا بحب الزمن ده كان نفسي اعيش فيها"، وبالنسبة لقصة المسلسل، لم تعطي دينا أجوبة واضحة كي تبقي عنصر المفاجئة للجمهور.
وقالت دينا خلال لقائها مع ET بالعربي، عن المنافسة مع زميلاتها في موسم رمضان، كـ يسرا، نيللي كريم، غادة عبدالرازق، سمية الخشاب وغيرهم، "بقدرهم جداً جداً وليا الشرف انه اسمي بيذكر معهم"، وأضافت "اولا النجاح ده بتاع ربنا وايه ينجح ده بتاع ربنا وبعدين الناس عندها كتير نجوم بتحبهم مافيش حد بحب حد معين والباقي ما بحبوش خالص".
وعن رأيها بمسلسل "لؤلؤ" لـ مي عمر، قال دينا الشربيني "لأ انا مستنيه اتفرج واباركلها بس انا سامعه كلام كويس قوي ومي حبيبتي بس لانه انا بصور ما شوفتش بس انا زي ما بحب اللي يباركلي يكون شاف فأنا مستنيه اشوف وابارك بس باركلها دلوقتي لحد ما اتفرج واكيد هتفرج لانه كل حد متابع المسلسل بقولها الف مبروك"، وأيضاً باركت لـ ريهام عبدالغفور، بعد نجاح قصتها "ربع قيراط" بمسلسل "الا انا"، "نبستطلها كتير والقصة كانت حلوة وريهام حتفاجكم بقصر النيل وانا بنبسط قوي لما بشتغل معها"، وكشفت أن إسم شخصية ريهام في "قصر النيل"، هو "عايدة"، أنا إسمها سيكون "كامليا"، "اسم بحبه وانا بتعلق باسماء الشخصيات".
وكشفت دينا الشربيني، حصرياً لـ ET بالعربي، "انا عندي حاجة بعد رمضان على طول وحتكون بان اراب، هو مسلسل 8 حلقات على شاهد وحيتصور بلبنان ده حصري خالص"، وعن السينما، قالت "في اربع افلام ومش عارفه مواعيد النزول لانها حاجة بتاع المنتجين والموزعين"، كاشفة عن تعاقدها على فيلم خامس سيصور قريباً.
