نور إيهاب كانت ضحيةالحلقة الـ15 من رامز إيلون مصر على MBC مصر ومنصة شاهد، والتي قدمها رامز جلال بتعليق:"فيه حلقات وأنا بعملها بحس إن العمر بيجري بيا، ومعانا النهاردة أحدث إصدارات مصنع المواهب، نجمة من نجوم الالفينات، البنت دي واللي في سنها بيحسسني إن أنا وجيلي كنّا غلابة، غادة عبد الرازق عملت أول بطولة مطلقة وهي مطلقة…".
وتابع : "غادة عادل دخلت الوسط الفني وهي عندها خمس عيال، البت دي يومين كانت بتركب اسكوتر، لسة مطلعتش بطاقة ومش ملاحقة على الأعمال، البنت بتتني وتتفرد، وقال بقا ليها مدير أعمال، اللي بيحصل ده على فكرة استهبال أنا جايبها النهاردة عشان اعدل بيها الحال، واللي هيتغير علينا ويشوف نفسه هحطه في شوال، هي الحقيقية صعبانة عليا بس ده شغلي وأنا بحب أكلها بالحلال، معانا الفنانة النوغة والممثلة النونة وحلم المراهقين والشباب نور إيهاب".
ووجه رامز جلال مجموعة من الأسئلة لنور ومنها :"مين النجم اللي نفسك تشتغلي معاهم" لترد عليه:"نفسي اشتغل مع مني زكي وكريم عبد العزيز".
وعن جدل خطوبتها الأخيرة من نور بدر، وجه رامز لها سؤال قائلا:"اتقال انك اتفسختي خطوبتك من نور عشان خاطر واحد تاني اسمه نور، وعايزين نعرف الحقيقة"، لترد عليه نور إيهاب، قائلة:"أنا فعلا اتفسخت خطوبتي بس مش بسبب نور، وأنا اللي سبته".
وفي سؤال عن نور النبوي :"مين فيكم بيحب التاني انتي ولا نور النبوي" ردت عليه :"مش بحبه ومش اي نور وخلاص ومفيش حاجة اصلا".
وتفاعل عدد من المتابعين مع الحلقة عبر "X"، وكتب أحد المتابعين: "حلقة نور إيهاب تحفة مع رامز"، وقال آخر :"نور إيهاب دي لذيذه أوي".
موعد عرض برنامج رامز إيلون مصر
يعرض البرنامج يوميًا بعد الإفطار مباشرة على شاشة MBC مصر ومنصة شاهد.
قصة برنامج رامز إيلون مصر
في هذا الموسم، يقنع رامز جلال ضيوفه بأنهم جزء من لجنة تحكيم لبرنامج مقالب، ليجدوا أنفسهم في مغامرة غير متوقعة بمشاركة النجمة نوال الزغبي واللاعب محمد نور. ومن بين ضحايا هذا الموسم: أشرف بن شرقي، حسام حبيب، وغيرهم من النجوم.
