في الحلقة الـ23 من برنامج "رامز إيلون مصر"، وقعت بدرة ضحية المقلب، والذي استقبلها رامز بمقدمته المعتادة قائلاً: "حلقة النهاردة مطلب شعبي، الموزة اللي جاية لينا دي يا جماعة، يظهر أن حبايبها كتير، أول ما تهز وسطها يقع في غرامها الصغير قبل الكبير، حفرت في الرقص الشرقي جيل جديد باسمها، كل البنات بتغير منها، وعايزين يقلدوا فورمة جسمها، عليها هزة كتاف الكل منها يخاف، فالمقسوم دي أبلة، ترقص على أجدعها طبلة، فتحت باب رزق لبنات أمريكا اللاتينية، سابوا التعليم والكل مش عايز يروح الكلية، بقى كله عايز يرقص، ولما لقيت الحكاية هتبقى احتكار، قلت كده كفاية وأنا لازم أخد القرار، فقررت أجيب البت دي وأكسر جبروتها ومش هرحمها مهما صرخت وعلت صوتها، معانا ومعاكم صاحبة الجسم اللولبي، اللي جمالها غبي، اللي هنفد فيها مقلبي، الراقصة القادرة بدرة".
كما وجه رامز جلال سؤالًا لبدرة عن أعلى سعر في الراقصات، قائلاً: "من أعلى سعر في الأفراح؟ أنتي ولا جوهرة؟"، لترد عليه بدرة: "أنا طبعًا". وعند سؤاله عن زواجها من مليونير، قال رامز: "بيقولوا أنك متجوزة من مليونير"، لتجيب بدرة: "لِيّ أحباب كتير مليونيرات، وكنت مرتبطة بحد من مصر مليونير وانفصلت عنه وعنده أولاد، وأنا خليت حياته أحلى، والحب أهم عندي من الفلوس، ولو حبيت حد وطلب مني أسيب الرقص هسيبه".
كما سأل رامز بدرة: "هل فعلاً كان عمرو دياب هو السبب في دخولك عالم الرقص؟"، لتجيب : "لا، الموضوع ببساطة أن والدي، وهو رجل سوري، أعطى أمي أسطوانة سي دي لعمرو دياب، ومن هنا بدأت أسمع أغانيه وأرقص عليها، وكانت تلك هي البداية."
تفاعل الجمهور مع حلقة بدرة
تفاعل الجمهور مع حلقة بدرة في برنامج "رامز إيلون مصر"، حيث كتب أحدهم: "والآن الزنجباري هيخلي بدرة حلوة وشاطرة"، بينما كتب آخر: "هي بدرة مبتحلاش غير في العشرة الأواخر ولا إيه؟".
قصة برنامج رامز إيلون مصر
في هذا الموسم، يقنع رامز جلال ضيوفه بأنهم جزء من لجنة تحكيم لبرنامج مقالب، ليجدوا أنفسهم في مغامرة غير متوقعة بمشاركة النجمة نوال الزغبي واللاعب محمد نور. ومن بين ضحايا هذا الموسم: أشرف بن شرقي، حسام حبيب، وغيرهم من النجوم.
موعد عرض برنامج رامز إيلون مصر
يعرض البرنامج يوميًا بعد الإفطار مباشرة على شاشة MBC مصر ومنصة شاهد.
