في الحلقة 28 من "رامز إيلون مصر" وقع حاتم صلاح في فخ المقلب، حيث استقبله رامز بطريقته الخاصة، قائلاً: "مش دايمًا العيب في البني آدم بيكون عائق في نجاحه، أحيانًا بيكون هو سلاحه، ومن الأقوال المأثورة رب ضارة نافعة، ومن أقوالي المشهورة لو كنت أصلع ومناخيرك قد الكوز هيجيلك يوم وتبقى في شهرة توم كروز، معانا فنان كبيره نجار مسلح متشعلق على سقالة في الكيت كات، ولما لاقي أتوبيس الكوميديا متروس كوميديينات وكل من هب ودب بيضحك وبيقول إفيهات، قالك أنا لازم أبقى مختلف، وقف قدام المراية وصرخ وقال أنا ناقصني إيه أنا مش نجم ليه، قالك مبدهاش أنا هقفش في التلامة، طار وحلق في سماء النجومية، وبقى يهبد وبيقول أي كلام، إحنا النهاردة جابينه هنا كفاية وهطلع متكسر من عندنا، معانا ومعاكم خفيف الظل، اللي نكتته وإفيهاته بتشل حاتم صلاح".
وخلال المقلب، وجه رامز جلال بعض الأسئلة لحاتم صلاح، من أبرزها:"من نجم الكوميديا الأول في مصر"، ليرد عليه حاتم صلاح:"رامز جلال"، ليرد عليه رامز قائلا:"بأجابتك دي أثبت عدم ولاءك لصحبي مكي"، ليقول له حاتم صلاح:" مكي مكي".
تفاعل الجمهور مع حلقة حاتم صلاح
وتفاعل الجمهور مع حلقة حاتم صلاح في رامز إيلون مصر، حيث كتب أحدهم:"حاتم صلاح: اية يازنجباري يامتخلف يازنجباري اية يامعلم"، وكتب آخر:"حاتم صلاح مميز ودمه خفيف".
فكرة برنامج رامز ايلون مصر
هذا الموسم، يوقع رامز جلال بضحاياه عبر خدعة لجنة تحكيم برنامج مقالب، حيث يظن الضيف أنه في تجربة عادية، قبل أن يجد نفسه وسط مغامرة جنونية بمشاركة النجمة نوال الزغبي واللاعب محمد نور. ومن بين أبرز ضحايا الموسم: أشرف بن شرقي، حسام حبيب، وغيرهم من النجوم.
موعد عرض برنامج رامز إيلون مصر
يُعرض البرنامج يوميًا بعد الإفطار مباشرة على MBC مصر ومنصة شاهد.
