على هامش حفل توزيع جائزة الراوي 2026، التقى ET بالعربي بـ رامي إمام الذي تحدث عن عدة جوانب شخصية ومهنية، بدءًا من الاحتفال بعيد ميلاد والده عادل إمام وانتهاءً بأحدث مشاريعه السينمائية.
رامي إمام وتصريحات صريحة لـ ET بالعربي عن والده وتجربته السينمائية الجديدة
الاحتفال بعيد ميلاد الزعيم
سُئل رامي عن احتفالهم بعيد ميلاد والده فقال: "احتفلنا بيه كالعادة زي كل سنة".
فيديو قديم وإشاعات متداولة
وعن الفيديو الكوميدي القديم الذي ظهر فيه رامي وقال فيه: "عادل إمام هيسدد ديون مصر كلها بس كان شرط ان هو يحط صورته على الجنيه"، أوضح رامي لـ ET بالعربي:
"ده فيديو قديم جدًا. أنا فوجئت الفترة اللي فاتت إن في ناس كتير جدًا بتنزل لي فيديوهات حتى كان شكلي صغير ورفيع. يعني ده كانت إشاعات بتطلع. يعني فكان فيديو قديم، ما أعرف إيه اللي طلعه دلوقتي، بس مش مشكلة. أنا مبسوط في صفحات كثيرة جدًا بتبقى فانز لرامي إمام، أنا بحترمها جدًا وبحبها جدًا طالما إن الموضوع بينزل زي ما هو بدون تحريفه أو بدون أن أنا أغير فيه حاجة، ما عنديش مشكلة خالص".
تجربة سينمائية جديدة
وعن أحدث أعماله، تحدث رامي عن فيلمه الجديد قائلاً: "الفيلم لسه ما تحطلوش اسم، يعني إنما ده تجربة بالنسبة لي تعتبر جديدة. مبسوط إني بشارك مع أحمد عبد الوهاب و جيهان الشماشرجي يمكن لأول مرة وتجربة أنا شايفها جديدة حتى كنوع الدراما اللي إحنا بنعملها في الفيلم. إن شاء الله هنبدا تصوير في الأسبوع الثالث من شهر يونيو وإن شاء الله متوقع إن الفيلم ينزل في شهر ديسمبر اللي جاي".
