رسالة مؤثرة شاركتها رانيا فريد شوقي مع متابعيها عبر إنستغرام، في الذكرى الـ27 لرحيل والدها فريد شوقي حملت فيها الكثير من الحنين والوفاء.
وكتبت رانيا: “النهاردة ٢٧ سنة على غيابك يا بابا… بس الأب الحنين ما بيروحش، بيفضل جوه الروح. في فيديو ليك كنت بتقول: أنا صرفت فلوسي على بناتي… دلعتهم وفسحتهم ومليت عينهم. ناس افتكرت إن الموضوع فلوس، لكن الحقيقة إنك كنت بتستثمر فينا قلبك وعمرك كله، وتزرع جوانا حب وخير وكرامة.”
وأضافت: “كنت فاهم إن البنت لما تحس إنها غالية في بيتها محدش يقدر يقلل منها. دلعتنا عشان نفهم إن الدلع مش منّة من حد، وفسحتنا عشان نشوف الدنيا بعينين شبعانة ومفيش حاجة تبهرنا. حتى عقابك كان في سكوتك… سكوت يحرمنا من ضحكتك وحضنك، وكان أقسى من أي عقاب. كنت ترجع من المسرح في إسكندرية وتجيب لنا فطير بالسكر، حاجة بسيطة منك لكنها كبيرة جوانا، ولحد النهاردة بطلبه عشان أفتكر ضحكتك.” واختتمت رسالتها بالدعاء له: “الله يرحمك يا بابا، ويبارك في كل حاجة زرعتها جوانا… والحمد لله إن ربنا خلقني بنتك.”
وتفاعل عدد كبير من نجوم الفن مع المنشور، منهم سوسن بدر التي كتبت: “الله يرحمه وتعيشي وتفتكري يا حبيبتي”، وروجينا التي علّقت: “ربنا يرحمه ويغفر له ويسكنه فسيح جناته.
