لم يمر عزاء الراحل محمود ياسين دون أن يتم إطلاق عدد من الشائعات التي أزعجت أبنائه ومحبيه، وأبرز الشائعات التي أجبرت أولاد الراحل رانيا وعمرو أن يردوا، هي خلاف رانيا مع أميرة مختار إبنة رجاء الجداوي، وإشاعة أخبار عن منع نجلاء فتحي من حضور جنازة محمود ياسين، إضافة إلى مشكلة حصلت مع عادل إمام.
أميرة مختار ردت عبر حسابها على الفيسبوك، وكتبت "من كام يوم اتكتب ان في خلاف بيني وبين صديقتي رانيا محمود ياسين وده ملوش اصل من الصحه وتداولوا بعض الفيديوهات من العزاء وكانت تبدوا فيه ان رانيا منفعله لكن الحقيقة ان رانيا كانت منفعله علشاني لما كتب مش عليه وانا ورانيا لسه قفلين مع بعض التلفون وبنسال بعض وهو ايه الي بيحصل ده".
أما رانيا محمود ياسين، فعلقت "صحيح انا مش رايقه للرد علي الي اتقال عليه بافتراء الاسبوع الماضي لان حزني مش مخليني افكر في حاجه غير بابي لكن شكرا يا اميره انك وضحتي للناس الحقيقه واني كنت زعلانه علشانك لأن في ناس تجاوزوا معاكي لما كتبتي بوست واني مكنتش زعلانه منك لكن عليكي، ربنا يهدي الناس الغريبه دي".
من ناحيته كتب عمرو محمود ياسين عبر حسابه الشخصي على الفيسبوك، عن خبر رفض عائلة محمود ياسين حضور نجلاء فتحي العزاء، وقال "اشاعة سخيفة ع السوشيال ميديا يتبناها بعض اصحاب قنوات اليوتيوب اللي بتحب تعمل ترندات وتألف كلام فاضي مفاد الاشاعة ان انا و امي واختي رفضنا ان الفنانه الكبيرة الغالية علينا جميعا نجلاء فتحي تحضر عزاء الوالد رحمة الله عليه .. طبعا انا مذهول من التأليف والتلفيق والقدرة الرهيبة على الكذب واختلاق القصص الوهمية.. شيء في منتهى السخافة".
وأضاف عمرو ياسين، "اولا الفنانه نجلاء فتحي مبتعده عن الظهور في المناسبات العامة من فترة ثانية هي مقربة من الاسرة وبينا وبينها صلة نسب.. فا ايه السذاجة والعبط ده ؟! والمشكلة ان الناس بتصدق.. الكلام ده غير حقيقي والسيدة نجلاء فتحي قامت بواجب العزاء تليفونيا ولها منا كل التقدير والحب والاحترام "، وختم "احب اضيف كمان ان في اشاعه برضه ان في مشكلة حصلت مع الفنان عادل امام لما وصل العزاء ده برضه محصلش الفنان عادل امام لم يحضر العزاء وحضر نجله المحترم رامي امام، وايضا حكاية ان شقيقتي رانيا اتخانقت مع اميرة مختار ابنة الراحلة العزيزه رجاء الجداوي .. ده برضه محصلش نهائي وكان حوار بينهم عادي جدا.. واتقوا الله في الكلام اللي بتقولوه للناس يا بتوع الترندات البايخة".
