بالرغم من أن رنا سماحة أعلنت بأنها لا تريد ولا تبحث عن الترند، إلا أنها تصدرت الترند بعدما ظهرت في برنامج "الستات ميعرفوش يكدبوا"، وعند سؤالها عن إنفصالها عن زوجها الملحن سامر أبو طالب بعد عام من الزواج فرفضت الحديث عن الإنفصال سواء بالتأكيد أو النفي وأكدت أنها لا تحب أن تتحدث عن حياتها الشخصية.
وبعد إنتهاء الحلقة كتبت رنا سماحة بوست على الإنستقرام قال فيه "عذراً ايها ال trend ✋🏼فلدي ما هو اغلى من كنوز العالم 👦🏻(( اتعلمت في بيت اهلي )) ان العلاقه بين الراجل والست امانه مينفعش تطلع بره البيت خطيبتك مراتك طليقتك اياً كان الامانه دي ولاد الاصول بس الي بيعرفوا يصونوها وميفشوش اسرارها ولاد الاصول بس الي مبيكذبوش ولا بيتدعوا على بعض بالباطل ولاد الاصول مبيقذفوش المحصنات(( كبيره من الكبائر )) ولاد الاصول بس الي مبيخونوش الامانه لاد الاصول بس مبيفجروش في الخصام".
وأضافت رنا كاتبة: "بطلب من اي حد هيكلمني عشان يعرف اي تفاصيل تخص حياتي الخاصه يوفر على نفسه وميكلمنيش ميهمنيش السبق الصحفي ولا الشو الاعلامي ولا الاكثر بحثاً غير في شغلي فقط في الخير والفرحه وبس
عاهدت نفسي واهلي والناس الي بحبهم اني اكون خير قدوه عاهدت ابني الي عيني لسه مشافتوش اني اربيه على الاصول والاحترام والرقي عاهدته اني اربيه يبقى ((راجل)) ف متستنوش مني ما يفعله الاخرون مش عايزه ابقى ترند✋🏼".
ودعمها عدد من المشاهير بعد هذا الموقف ومنهم شيرين يحيي وأحمد الشيخ لاعب الأهلي السابق وأنوسه كوته مدربة الأسود وزينة التي كتبت على بوست رنا: "I love you and I will support you ✋🏽وبقولك قدام الدنيا معاكي وفي ضهرك لاخر نفس معاكي 💪❤️❤️".
