لا تزال أزمة مطربي المهرجانات تتفاعل. وجديدها تصريح زكي فطين عبدالوهاب الذي تضامن معهم. فقد نشر زكي على حسابه على فيسبوك رسالة تتضمن إنتقاد مباشر لعمرو دياب ودعم لمغني المهرجانات جاء فيها: "أنا عارف إن فيه ناس هتزعل من الكلام اللي هقوله، لكن بعد الهجوم الشرس على أغاني وموسيقى المهرجانات.. نفسي أفهم عمرو دياب الملقب بالهضبة.. بمناسبه إيه". وتابع: "أغانيه وألحانه وكلمات أغانيه هي هي من ٢٠ سنة، ده إفلاس فني ما بعده إفلاس، أغاني المهرجانات فيها تجديد وابتكار وتنوع أكتر بكتير غصب عن الملحن الفذ حلمي بكر".
تصريح زكي لم يمر مرور الكرام فجأه الرد من الاعلامي ممدوح موسى والشاعر تامر حسين. فعلى حسابه أيضاً علق الاعلامي ممدوح موسى وقال: "اصطبحنا على الصبح بممثل مش هقدر أقول فاشل أو ناجح لأن مش فاكرله دور معين أقول هو ده يعني بيمر زي الهواء، لا لون ولا طعم يعني، بالعربي مش عارف أوصفه، بيتكلم عن المهرجانات وبيساندها وده حقه لكن يقول إن المطرب اللي بيقول عليه هضبه بقاله 20 سنه أغانيه ريتم واحد ومكرر. إيه دخل الهضبة في موضوع المهرجانات، ولا إنت برضه حاسس إن ملكش لازمة وعاوز تعمل أي حاجة علشان تلفت النظر ليك؟ …
أما تامر حسين فهاجم أيضاً زكي عبدالوهاب وعبر عن رأيه ببوست مفصل جاء فيه: نيجى بقى لبوست الأستاذ قالك إفلاس آخر 20 سنة يعنى حضرتك ابتداءً من تملي معاك مثلا اللى غير شكل الأغنية وقربنا للعالمية وإلا حضرتك قصدك مثلا أكتر واحد بيحبك اللى خد أورد؟ وإلا أنا عايش الأشهر والأجرأ موسيقيا فى مسيرة الفنان عمرو دياب وإلا ليلى نهارى اللى اترجم معظم أغانيه للُغات العالم؟ طب ممكن يكون قصدك وياه اللى كان فى وياه أفضل أغنية فى إفريقيا (اللي هى قارة) مش بكلمك ع المهندسين فقط.
وأكمل تامر رده قائلاً "الحقيقة أنا عندى استياء من مُجادلة (وجهل من لا يفقه) والاستخفاف والاستهتار بصناعة كاملة بشعراء وملحنين وموزعين ومهندسين صوت بمطرب ناجح بقاله 35 سنة، ارحمونا، انت بتنصر المهرجانات من حيث الشكل الموسيقى والتنوع مثلاً؟ اللى هو فين؟ إحنا عندنا أكتر من نوع موسيقى نقدمه هاوس لاتين مقسوم وغيره ده لو ع المزيكا أما لو بتنصر نوع الكلام وخمور وحشيش... وأمك صاحبتى ومطوتى وغيرهم من الألفاظ والمصطلحات اللى أخجل أكتبها، دى حاجه تانيه بقي".
