تابعنا الفترة الماضية الكثير من الجدل والتساؤلات حول انفصال الثنائي رنا سماحة وسامر أبو طالب بعد عام من زواجهم ، والذي في المقابل لم يشارك أي منهم تفاصيل هذا الخلاف واكتفيا وقتها بعدم التعليق بإعتبار ذلك من الخصوصيات.
ويبدو أن الإنفصال لم يدوم طويلًا فعاد سامر أبو طالب بمشاركة فيديو له مع رنا صباح اليوم الخميس على أنغام أغنية عمر دياب "زى ما أنت".
وعلق سامر أبو طالب على الفيديو: "اولا الحمدلله 🤲🏼 ثانيا هقول الكلمتين الجايين دول ل ( ام مالك ) مراتي و حبيبتي و ام ابني اللي اكتشفت الفتره اللي فاتت دي اني ماقدرش اعيش من غيرها ولا حتى بكون مبسوط فى اي حاجه حتى ابسط الاشياء هي لازم تكون فيها معايا بحبها اوى بجد يمكن كنت اوقات بعند بس اكتشفت انى فعلا ماينفعش اكون غير ليها و هي ماتنفعش تكون غير ليا اسف لو زعلتك فى اي حاجه و ربنا يباركلى فيكى و يحفظنا من كل شر و يبعد عنا الحسد و الحقد و اللي كارهين يشوفونا مرتاحين و هاديين و الحمدلله دائما و ابدا ❤️".
وأضاف سامر: "نيجى بقى ل ( برنس قلبى ) ابنى و قرة عينى حبيبى و صاحبى و اخويا اللى لسه ماشوفتوش ( مالك ) مش هقولك غير انى بحبك و لما تيجى بالسلامه هقولك حاجات كتير اوى نفسى اقولهالك و مش هتفارق حضنى ابدا ❤️😍 بحبك يا رنا و بحبك يا مالك ♥️ شكراً للناس اللى كانوا بيكتبولى كلمه حلوه عشان عاوزين يشوفونا تانى مع بعض 🌹🙏🏼".
رنا سماحة ردت على الفيديو بـ: "الحمدلله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا اي حاجه وحشه عيشنا فتره صعبه والحمدلله انها عدت مفيش بنا أسف يابو مالك بس عارف لو عملت كده تاني 🔪😈ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب امين 🤲🏻بحبك يا جوووووزي".
هذه الخطوة من الثنائي رنا و سامر لاقت تفاعلًا كبيرًا من المتابعين وعدد من النجوم الذين هنئوهم بالعودة بعد فترة من الإنفصال ومنهم بدرية طلبة، شيماء سيف وأنوسة كوته وفادي إبراهيم.
