تفاعل كبير على السوشيال ميديا مع صور سمية الخشاب الجديدة، حيث إختارت فكرة مختلفة في المسبح مع البرتقال، لتعود بهذه الصور بعد سنة ونصف من عدم تقديم جلسات تصويرية جديدة.
وفي حديث خاص لـ ET بالعربي، قالت سمية الخشاب "الجديد في الموضوع إن التصوير في بيتي والبرتقال من شجرة البرتقال بتعتي، بحبها أوي وديماً ببقى سعيدة لما بشوفها بتطلع برتقال بعقد أشكرها وحاجات كده، وبشكر كل فريق العمل اللي إجتهد علشان الصور يطلعوا بالشكل المبدع ده، ولسه في مفاجآت تانية"
وأضافت سمية الخشاب في حديثها لـ ET بالعربي "سعيدة جداً بردود الأفعال اللي مكنتش متوقعها على السيشن الجديد، أنا عادةً ما بتصورش كتير الفترة اللي فاتت تقريباً آخر مرة كانت من سنة ونص، فإتكلمت مع الستايلست إيهاب العدلي المسؤول عن كل إطلالاتي وإقترح أفكار كتير وحبيت فكرة البرتقال علشان حسيت اللوك هيطلع منعش يعني فصل الصيف والبرتقال وفيتامين C وكورونا فحسيت إني لميتها من كل الجوانب، التعليقات على الصور على السوشيال ميديا كانت مضحكة ولطيفة في نفس الوقت".
