حلت سوزان نجم الدين ضيفة على برنامج صاحبة السعادة مع إسعاد يونس، وتحدثت عن العديد من مراحل حياتها، وكان للطفولة الجزء الأكبر من اللقاء، ليتصدر اسم سوزان نجم الدين التويتر في مصر بعد الحلقة، من خلال هاشتاق سوزان مع صاحبة السعادة.
سوزان نجم الدين أحببت الفن منذ الطفولة
تحدثت سوزان نجم الدين في لقائها مع صاحبة السعادة عن مرحلة الطفولة في حياتها، ولفتت إلى أن الفن كان شغفاً وحلماً منذ الصغر، ولفتت: "بكل لحظة من حياتي كنت أتخيل انو في كاميرا مرافقتني، رغم أنو ما كنت أفهم شو يعني هي الكاميرا"، وعقبت "بعدين فسرتها أنو نحنا منراقب حالنا، أو أنو أنا بدي اتصرف بيني وبين حالي متل ما بتصرف قدام كل الناس فهي تهذيب للنفس".
وتابعت سوزان في حديثها: "إضافة إلى أنو أنا حلمي كون فنانة ومشهورة ومعروفة لأنو أنا بحب الناس كتير، وحابة كون مؤثرة بشكل إيجابي بالنسا على أوسع شريحة ممكنة، هاد اللي كنت فكر فيه وليش بدي صير نجمة".
ولفتت سوزان إلى أن أجواء منزلهم كانت تظغى عليها أجواء أدبية وثقافية بامتياز، وهو ما ساهم أيضاً في تكون شخصياتهم ولغتهم العربية.
طفولة مشاغبة
ولم تخفِ سوزان نجم الدين أنها كانت مشاغبة خلال سنين دراستها، وأوضحت: "كنت مشاغبة جداً واعمل مقالب بالمدرسة وما دخلني ولا يبين عليي ولا أضحك، أعمل المقلب بالآنسة هي تلتفت الكل عم يضحك إلا أنا"، منوهة: "بس كنت شاطرة مع إني ما كنت أدرس كتير، بس كنت ركز مع الأستاذة وافهم بالصف ومراجعة بسيطة بالعكس".
أول علاقة حب في حياتها
وفي سؤال لها عما عن كان لها معجبين خلال المرحلة الدراسية، أشارت سوزان إلى أن ذلك حصل منذ الصف السادس، وأوضحت "وصلني من رفقاتي البنات أنو في شبين بحبوكي، وانا قلت شو حب وما حب، وانا بعمري ما أجت عيني بعين صبي"، وتابعت: "بس مرة وأنا نازلة من المدرسة عالبيت شفت حدا ركض وحط بإيدي ورقة، فتحتها لقيت مكتوب فيها حبيبتي سوزان، أنا قرأت هالكلمة وانهرت بكي من الخوف".
والدي عرف بالصدفة دخولي مجال الفن
وتطرقت سوزان إلى الطريقة التي دخلت فيها مجال الفن، رغم أنها اختارت الهندسة المعمارية بدلاً من التمثيل، وأضافت: "بعدين شافني حدا قللي انت شكلك نجمة في فرقة زنوبيا للفنون الشعبية والباليه شو رأيك؟ قلتله طبعاً أنا بحب الرقص كتير، جاهزة فوراً ورحت معه بنفس الدقيقة"، ولفتت إلى أنها اندمجت مع الفرقة بسرعة كبيرة "قدمنا عروض كتيرة ورحنا على روسيا وعلى السويد وعلى المنطقة العربية، وعملت مسرحيتين مع الفرقة نفسها، وشافوني المخرجين وقتها طلبوني لأعمال وهيك بلشت".
ونوهت سوزان نجم الدين إلى أن والدتها فقط من كانت تعلم بدخولها مجال التمثيل، في حين لم يعلم والدها بذلك، موضحة: "ما في حدا بعيلتنا ممثل، صعب، نحنا يا شعراء وأدباء يا مسؤولين بالدولة يا محاميين ودكاترة، لكن ممثلة كان صعب عليي".
وأشارت إلى أن والدها علم صدفة بأنها في فرقة رقص "كان عنا حفلة افتتاح معرض وانا كنت الراقصة الأولى، اللي بتنحمل على الأكتاف والشباب حامليني، وما بعرف أنو باب موجود بالمعرض أصلاً، وهو يقول واللي هي بتشبه سوزان"، وتابعت: "بعدها حطيت كذا واسطة من أصدقائه بيناتنا لحتى يروق، وقلتله انا بحب هاد الشي، بعدين قبل الموضوع وصار هو يعمللنا وسايط للسفر".
