وفاة محمود ابن عزت العلايلي والنجوم ينعونه

أبرز لحظات أغلى زفاف في العالم

وفاة شانين دوهرتي عن عمر يناهز 53 عاماً بعد صراع مع السرطان

كيت ميدلتون برفقة الأميرة شارلوت بأحدث ظهور في ويمبلدون

الشامي يخطف عروس يوم زفافها

شاكيرا تشعل أجواء كوبا أميركا وميسي يحتفل بثاني ألقاب البطولة

إحتفالات ما بعد زفاف أنانت أمباني و راديكا ميرشانت مستمرة

توبا تعترف بأنها لا تخطط للعودة حاليا إلى التلفزيون

حفل ختامي مبهر لـ يورو 2024 بحضور الملوك والأمراء والمشاهير

إلغاء حفل شيرين في بيروت و بيان من الشركة المنظمة

شريف منير يدافع عن ابنته أسما ويدعمها بعد حلق شعرها

ET بالعربي | 26 أغسطس 2023
شريف منير وابنته أسما - صورة من انستقرام

شريف منير وابنته أسما - صورة من انستقرام

في أول تعليق له بعد الانتقادات التي تعرضت لها ابنته أسما شريف منير نتيجة حلق شعرها أمام الكاميرا، وظهورها حليقة الرأس في مهرجان القاهرة للدراما، دافع شريف منير عن ابنته، ودعم الخطوة التي قام بها، وقال: "ايه الدوشة اللي إنتو عاملينها دي، وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا؟ إيه الغلط اللي هي عملته؟ تصرف عادي جدًا مفيهوش أي حاجة".

وتابع شريف منير خلال فيديو له عبر إنستقرام: "اوعوا تفتكروا إني هاجي على بنتي عشان خاطر أكسب رضاكم، دي بنتي اللي ماليش غيرها وبحبها".

ولفت شريف إلى أنه معجب بلوك ابنته أسما قائلا: "بالمناسبة اللوك اللي عملته عاجبني وأنا مبسوط منها قوي"، مضيفا: "بنتي متربية كويس جدًا، بس هي بتتصرف باللي هي حاسة بيه، المهم إنها متكونش بتأذي حد".

أسما شريسف منير

شريف منير لابنته " شكلك حلو جدًا وخدتي الترند برافو عليكي"

واعتبر شريف أن ما حصل من ابنته ليس عيبًا: "اللي حصل من بنتي مش غلط ومش عيب، هي مغلطتش في حد فيكو، ومغلطتش في نفسها"، مضيفًا: "أنا أب مسؤول إني أحميها، وهي حرة في تصرفاتها، وأسما أنتي شكلك زي القمر، وشكلك حلو جدًا، وخدتي الترند.. برافو عليكي".

وختم قائلا: "متسمعيش كلام حد ومتهتميش بكلام حد، وأنا مش مهتم بالكلام اللي بيتقال عليا ولا عليها، بنتى أم ولديها بنوتة ومسئولة عن نفسها، المهم إننا مش بنضر حد".

أسما شريف منير

من جهتها، أسما علّقت على صورها من مهرجان القاهرة للدراما وهي حليقة الرأس قائلة: "طيب اول حاجة شكراً علي كل ردود الفعل، الوحشة و الحلوة كلها، ساعات مواقف زي دي بتخلي ناس تشوف ناس تانية عاملين ازاي، مجرد انهم بيعبروا عن رأيهم، و شكراً لكل الناس اللي كانت خايفة و قلقانه عليا، ممكن بقي اقولكم الحكاية من وجهة نظري ببساطة...".

أسما شريف منير: كنت عارفة اني هبقي ترند

تابعت: "اولاً الحكاية جت بالصدفة جداً، و كان قرار لحظي و انفعالي جداً، و مش ندمانه عليه، تاني حاجة انا مش بعمل كده عشان اطلع ترند، بس كنت عارفة اني هبقي ترند، في فرق كبير بين عايزه و عارفة، على فكرة الترند ده نقمه مش حاجة حلوة خالص بس مش هدخل في الجدل ده دلوقتي، ثالث حاجة انا الحمد لله كويسة و مبسوطة و مش واخدة الخطوة دي بسبب اكتئاب خالص بالعكس، دي صفحة جديدة حلوة مليانة تفاؤل و قوة و ارادة و تحدي و جرأة و شجاعة و كل حاجة ايجابية في الكون".

أضافت "أنا فعلاً من فترة كنت بمر بمرحلة صعبة جداً، بس كنت في رحلة بقالي شوية بتعافي منها و بقف علي رجلي من الاول، و كان اخرها رحلة دهب، فا تاني بالعكس ده مش اكتئاب، ده مرحلة انتقاليه مؤمنه اني هحقق فيها حاجات كتير".

وللأشخاص الذي ضخّموا من الموضوع قالت: "آخر حاجة الجماعة اللي مكبرين الموضوع، ده شعري مش شعرك، وحاجة كده بجد أخيرة انا عاجبني شكلي جداً بصراحة، شكله جامد و مديني ثقه في نفسي جداً بحبكم اوي بجد ".