كلام مطول شاركته شكران مرتجى على الفيسبوك.. وعبرت من خلاله عن غضبها من شركات الإنتاج التي تمنع الفنانين من مشاركة مشاهدهم في المسلسلات عبر حساباتهم الخاصة على السوشيال ميديا.
وطلبت شكران من كل الفنانين أن يضعوا بند خاص في العقد يسمح لهم في مشاركة أعمالهم.. على شكل مقاطع وتبقى شركات الإنتاج لها الحق في الحفاظ على مشاركة العمل كامل.
وقالت شكران، "بعد المرحبا وكل الحب.. في فمي ماء، مو معقول الممثل بالدراما السورية مابيقدر ينزل مشهد ماستر إله حبوه الناس بعمل هلك وتعب وهو عم يشتغل ويصور ويبحث ووو كل القصص اللي بتعرفوها لياخد أذن ؟؟؟؟نعم ياخد أذن !!!!! لانه ممنوع تنزل مشان الحقوق بفهم الحرص والخوف".
وأضافت، "وكمان حصرية الربح والمصاري حتى أنمنعنا ننزل مقاطع ع اليوتيوب الخاص فينا لانه الشركات بتنزل المقاطع على حسابها الخاص عاليوتيوب مشان تربح وتربح وتربح وتربح يعني مابيكفي الاجور الجميلة اللي بناخدها (البعض)لسه بياخدوا منا حقنا أنه ننشر مقاطعنا ومشاهدنا اللي بتعمل دعاية للمسلسل أصلاً".
وتابعت، "يعني ببساطة أسمحوا للممثل ينزل مقطع والحلقة كاملة عندكم ونحنا بنحول العالم لتشوف على حساباتكم وتربحوا أكتر وتعبوا مصاري وتنتجوا عمل جديد ولما تبعتولنا دور ونحكي بالمصاري بلع لوراق المصحف إنه المسلسل الماضي ما ربحتوا".
وبينت قائلةً: "عم تبيعوا العمل لمنصات ومحطات والله يرزقكم وهاد حقكم بس هاد المنع الغير مشروع مو منطقي أبداً وع كل بطلب من كل زملائي وزميلاتي نحط شرط بالعقد اللي غالباً لابيقدم ولابيأخر مابيضمنلك شي لا أسمك بالشارة ولاوجودك ببوستر ولا شي… بيضمنلهم الهم كل حقوقهم، ونحنا عالأغلب بننقعه وبنشرب ميته أنه النا حق في مشاركة مشاهدنا على مواقع التواصل وعلى حساباتنا عاليوتيوب بند رئيسي".
وختمت، "وبتمنى عنجد نعمل هيك في فنانين كانوا يعيشوا من اليوتيوب لانه الفنان مارح يطلع يصنع عجةع حسابه بيحط مشاهده.. شكراً"
رد بعض المنتجين على كلام شكران مرتجى
تفاعل العديد من المتابعين مع كلام شكران و تضامنوا معها، من جهة ثانية لم يعجب كلامها بعض المنتجين الذين تفاعلوا مع كلامها وعبروا عن رأيهم، ومنهم صلاح طعمة وعماد ضحية.
