عادت شيرين عبدالوهاب لتثير الجدل من جديد بعد مداخلتها الهاتفية اليوم مع عمرو أديب في برنامج الحكاية.
فبعد إطلالة يوم أمس وتعليقات شيرين على المسرح ، و المكالمة التي شاركتنا نضال الأحمدية ، و التغريدة التي كتبتها شيرين، تصريحات شيرين اليوم فتحت باب النقاش من جديد خاصة بعد تعليقها " حلقت شعري قبل الطلاق بيوم .. عشان ابقى وحشه في عينه بس لسة بحبه".
وفي التفاصيل، قالت شيرين "الانسان الحساس بزيادة ممكن يربي نفسه وأنا ربيت نفسي علشان غلطت في حق نفسي.. "
وتابعت أنها بحاجة إلى "احتواء الناس لها" وتقديرهم وهي ليست بحاجة إلى مساعدة من أي شخص "عندي دكتور محمود مرسي وانا مش مريضة نفسية.. أنا لما خلفت كان عندي وسواس قهري وأنا بتعالج من الإفرازات الزايدة اللي بيفرزها مخي وبيكبر المواضيع ..وأنا لو مريضة نفسية هقول وأنا حبيت اتريق على نفسي قبل ما حد يتريق عليا في حفلة إمبارح..".
وأضافت في تعليقها على طليقها حسام حبيب "انا لسه بحبه .. انا كده.." وقالت عن رجوعها لحسام بأنه "معجزة ويكاد يكون مستحيل علشان اللي وصلناله ده له تمن واندفع".
وتحدثت شيرين عن المشاركة في الحياة الزوجية مشيرة إلى أنها "ست مصرية زي اي ست لو عاملتني اني نجمة هتخسرني".
كما تحدثت عن بناتها و دعمه بها "بناتي طالما شافوني يبقوا يهون عليا حاجة تاني ولو كانوا حسوا اني ضعيفة كنت هنتحر عادي جدا وكنت هخلص من حياتي وطالما الجمهور قبلني كده تمام وانا مش هركب باروكة بس انا مش fake ومقدرتش اكدب عليهم”.
وأضافت"من الأول قلت العلاقة متنفعش وحسام راجل وسيد الرجالة والحتة الناقصة ناقصة في سننا والفرق بنا سنة واحدة وواحدة زي اتجوزت 3 مرات كان لازم يبقي فيه على الأقل فرق 3 أو 4 سنين".
