من على شاطىء البحر وبعد مرور يوم على احتفالها بعيد ميلادها، شاركت صفاء سلطان مجموعة فيديوهات قصيرة لها عبر حسابها على "إنستغرام" قالت فيها "أنا اليوم بأول يوم بسنتي الجديدة المبسوطة فيه إنو في ناس كتير بحبوني وأنا بحبهم وعم يعطوني طاقة حب وبنفس الوقت انو أنا بأول يوم بسنتي الجديدة جنب شي أنا بعشقو شكرا يا رب انك خلقتلنا ياه، شوفو أنا وين وسمعو صوت الموج ما أحلاه".
وتابعت صفاء سلطان "أنا كتير بحبكم وفي ناس انتهوا من حياتي بس في ناس دخلوا إلى حياتي هم أهم بكتير، أحبكم فانزاتي وأهلي وزملائي وكل حدن يتمنى لي الخير أتمناه له أضعاف، حتى من لا يتمنى لي الخير أتمناه له أضعاف".
وكانت صفاء سلطان شاركت يوم أمس بوست طويل على "إنستغرام" بمناسبة عيد ميلادها قالت فيه " شكراً لكل كلمه حلوه ولكل معايده من القلب بعيدميلادي والحمدلله على نعمة المحبه الخالصه من الكل انتوا كنزي يلي الله انعم عليي فيه واسفه اذا مارديت عالكل بس الله يحميلي اياكن كتااار ومالحقت اعذروني بس محبتكن وصلتني اكيد ... رح ابدا سنه جديده من عمري وللحقيقه انه في كتير قصص صارت معي ورميتها ورا ضهري واشخاص انتهوا من حياتي وطويت صفحاتهن معي ....بنفس الوقت في حكايات حلوه عم بدخل عليها واشخاص دخلوا حياتي وحلوها ... رح ابدا هالسنه بيومها الاول مسامحه الكل ومعاهده حالي ضل متل ماانا ومتل ماتعودت اهلي وبنتي المرتبه الاولى بس الجديد هو انه مافي شي مستاهل ازعل مشانه ...ثقتي باالله كبيره ورضاه عليي اهم من كل شي ورضا بابا وماما والباقي حكي فاضي .... بحبكن رفقاتي وفانزاتي الحلوين وزملائي يلي تذكروني شكراً لوجود اي حدا ليحلي حياتي بحياتي".
