بالأمس، شارك اليوتيوبر علي غزلان صورة من قبر مصطفى حفناوي عبر الإنستقرام مما عرضته للانتقادات الشديدة من قبل المتابعين ليحذف الصورة من بعدها.
وكان من ضمن المنتقدين الشاعر خالد تاج الدين الذي كتب عبر الفيسبوك الخاص به:"مايصورش قبر صاحبه اللي بيتدفن لسه طازة الا مريض شهرة مش حزين عليه ..انت ف ايه ولا ف ايه !!". وبنفس الوقت، تصدر اسمه ترند تويتر مصر بعد تغريدات هجومية من الناس.
أما علي غزلان فرد على الإنتقادات من خلال بوست كتب به: "حسبي الله ونعم الوكيل صفحه منزله صورة لقبر #فاضي ، خدت الصورة ونزلتها وكتبت عليها دعاء الناس داخله تقول اني بشير قبر مصطفي وان مصطفي جوة وحرمه الميت !! دي صورة لقبر فاضي اقسم بالله ومش انا اللي مصورها حرام عليكوا ، انا مش ناقص ، حرام تتاجروا بيا عشان تلموا لايكات وتشتموا ! حرام عليكوا وربنا احنا مش ناقصين ! احنا تعبانين ! حرام عليكوا انا طول الجنازة ممسكتش موبيلي اصلا ولا طلعته من جيبي وعزه جلال الله .. الناس كانوا معايا تقدروا تسألوهم قسماً باله مصورتش ومنزلتش حاجه الناس بدل ماتدعي لمصطفي داخلين يشتموا ويختلقوا مواضيع كذب وافتراء ! وانتوا متشيروش حاجه لاي حد قبل ماتتاكدوا منها ارجوكم .. في ناس قذره ربنا ينتقم منهم بيصطدوا في الميه العكرة حسبي الله ونعم الوكيل ،، اتقوا الله".
ودفاعا عن غزلان، شارك اليوتيوبر إكرامي هجرس صورة من الجنازة له بصحبة غزلان وكتب عليها: "باختصار شديد ... علي غزالان في حمله كبيره دلوقتي عليه بسبب صور ه شيرها استوري للقبر اقسم بالله ان شاء ما اروح بيتي سليم ... حرام انا واقف جنبه قالي امسكني هيغمي عليا وفي صور دليل اني كنت ماسكه ان علي ممسكش تليفونه طول الدفنه وكانت مكسور علي صاحبه .. وفي شهود علي ده حرام احنا بشر ..... صدقوني كلنا هنسيب الدنيا فبلاش تجرح حد سواء كنت متفق او مختلف معاه ..... ليه تاخد ذنب .... وحياه ربنا ده حدث والله ع ما اقول شهيد ❤️مجرد انه خد صوره من احدي المواقع وبعدين . لو ده حرمه مابالكم .. الجرايد الي استغلت حدث ذي ده ونقلته لحظه بلحظه".
