إلتقى ET بالعربي بـ طارق الشناوي، وذلك خلال ندوة خالد الصاوي التي حصلت في القاهرة.
وقال طارق الشناوي عن منى زكي، "إختيار منى زكي لتكريمها بجائزة فاتن حمامة ده إختيار جيد جداً، لأن منى زكي من أشطر نجوم جيلها وتستحقه عن جدارة فهي متعددة الأنغام الدرامية وأنا من الناس اللي راهنوا عليها، ونصيحتي لـ منى زكي ان تركز في أعمال كوميدية، لأن جواها روح كوميديانة خطيرة وتقدر تنجح في ده اكتر من الاعمال اللي بتعملها مؤخراً".
وعن موضوع المنافسة بين محمد رمضان وأحمد الفيشاوي بعد إعلان الأخير عن أغنيته بعنوان "نمبر 2"، قال طارق الشناوي لـ ET بالعربي، "ده لعب عيال، والخسران الحقيقي هو إحنا الجمهور، يعني ده يرد على ده وفي الآخر هياخدوا اللقطة ويطلعوا ترند، وبعد كده يتصوروا مع بعض صورة وخلاص".
وبالنسبة للأنجح في الغناء بين الفيشاوي ورمضان، قال طارق "رغم إن هما الاتنين قدموا اغاني بس محمد رمضان هو الأنجح فيها بلا شك".
