بعد ترشيح كل من عمرو مسكون وآسيا وفوزازا وكارن وازن وخالد العامري ولجينة صلاح ونور ستارز وعمر فاروق، للجائزة المستحدثة "نجم وسائل التواصل الاجتماعي لعام 2021" من قبل People’s Choice Awards 2021، استطاع عمرو أن يفوز بها وهذا الخبر أعلنه هو بنفسه عبر إنستغرام.
وفي أول تعليق له بعد فوزه بالجائزة كتب عمرو على انستغرام "الحمد لله الحمد لله الحمد لله بكرم من رب العالمين أولاً وبفضل تصويتكن ثانياً حصلت على جائزة people's choice awards، وهيك بكون أول شخص بالشرق الاوسط بيحصل على هالجائزة العالمية لرواد مواقع تواصل الاجتماعي بأول مرة بتتقدم فيها هالجائزة".
تابع "بدي أشكر المنظمين وراء الجائزة وبدي ما أشكر الكورونا اللي بسببها ما رح أقدر كون حاضر التسليم بكرا بأميركا مع أهم النجوم العالميين...أما بالنسبة لكل شخص وثق فيني وصوتلي فالشكر لالكن ببوست خاص بعد شوي".
وفي بوست ثان قال "أول شعور بالنسبة الي لما فاجؤوني وسلموني الجائزة أنه ما كنت مصدق... عنجد ما كنت مصدق".
تابع "بالنسبة الي صراحة مجرد اختياري للتصويت النهائي بين أهم 8 رواد بمواقع التواصل الاجتماعي كان فوز ونجاح بحد ذاته، حتى المنافسة كانت بالنسبة الي كتير صعبة مع أسماء بحبها وبحترمها، أسماء كبيرة بعالم السوشال ميديا ومنهن بيتفوق علي بأشواط بعدد المتابعين وأكيد كلهن بيستاهلوا الفوز".
أضاف "المهم شوي شوي بلشت أستوعب وصدق.. بلشت أفهم شو صار.. بلشت أفهم انو كان معي بهالمنافسة جيش كامل وقف جنبي ودعمني بوقت كان كتير صعب أنه أحصل على هالنتيجة".
وأهدى عمرو الجائزة إلى متابعيه "عادة أهلنا وأصدقائنا المقربين بيوقفوا جنبنا وبيدعمونا عالحلوة والمرة وما بيتركونا... بس يمكن أنا من المحظوظين لأنه اكتشفت أنه كل شخص فيكم هو واحد من عيلتي هو أخي وأختي، هنن أهل بمثابة اهلي... أنه كل متابع عندي هو صديقي، صدقوني أنتوا عملتوا المستحيل".
أنا وعم أخد الجائزة تذكرت أهلي، رفقاتي الأشخاص اللي دعموني ووقفوا جنبي من وقت بلشت... بس يسمحولي كلهن هالجائزة مو الهن ولا حتى الي... هالجائزة الكن... بحبكن يا أوفى وأقوى وأطيب متابعين...يا عيلتي الثانية".
يذكر ان حفل توزيع جوائز People’s Choice Awards 2021 حصرياً على قناة E! يوم الأربعاء 8 ديسمبر .
