تساؤلات كثيرة أثارها الثنائي منة عرفة ومحمود المهدي خلال الأيام الماضية بعد ستوريهات الانفصال و حذفها ، خاصة وأنهما امتنعا بالتصريح عن أي تفاصيل، ليفسر العديد أن الأمر مجرد رغبة في تصدر الترند .
واليوم، قررت منة عرفة مشاركة متابعيها رسالة تعلن فيها عودتها إلى زوجها، الخبر الذي رحب فيه الكثير لكن جعل البعض يستاء من تصرفات الثنائي والتي تظهر أن الغاية بالفعل كانت تصدر حديث الناس .
وكتبت منة عرفة على ستوري انستغرام: "من أصعب اللحظات اللي ممكن تعدي على أي ست لحظة الانفصال وخراب البيت، الطلاق يهتز له عرش الرحمن، لكن أنتم يمكن عشان بتسمعوا عن بيوت بتتخرب كل دقيقة فبقى أبغض الحلال عند الله بنسبالكم نكتة أو حاجة تتمسخروا عليها، رهان بتعملوه مع بعض على أننا مش هنكمل، أو مادة خام للشماته فينا، خراب البيت عمره ماكان حاجة سهلة على الست أو على الرجل أو على أهالينا في عز ضعفي وحزني وكسرتي اللي ربنا مايكتبها على أي ست مرحمتونيش ولا قدرتوا إني في موقف لا أحسد عليه وشمتانين فينا".
وأضافت:" قد إيه إنتوا ناس متعرفوش ربنا ولا في قلوبكم رحمة، اتمنوا الخير لبعض يا جماعة بلاش نشمت في بعض، لكن دي غلطتي أنا إني شاركتكم حياتي الشخصية، الإنسان بيغلط عشان يتعلم وأنا اتعلمت وربنا يعينكم على نفسيتكم الجحيم دي وعسى أن تكرهوا شي وهو خير لكم يمكن الخلاف اللي حصل كشفلنا ناس كتير حوالينا كانوا بيمثلوا أنهم فرحانين لينا بس الحقيقي أنهم كانوا مستنين أول مشكلة عشان يشمتوا في كسرتي".
وأكملت :" وخراب بيتي بس والله ربنا مش هينولهلكو وربنا يخليلي أهلي وزوجي والناس اللي بتتمنالي الخير وواقفت جمبي وكلمة أخيرة للسادة الصحفيين أرجوكم كفاية بقى ارحمونا حرام عليكم".
