أثار فارس كرم جدلاً واسعًا بعد ظهوره مع نيشان في برنامج Neshan X على قناة الجديد، حيث كشف تفاصيل من حياته الشخصية وشارك الجمهور لحظات ومواقف عائلية لم يسبق الحديث عنها.
فارس كرم: "فيه ناس بتحبني وفيه ناس ما بتحبني"
وفي مقابلة مع ET بالعربي على هامش مشاركته في Stars On Board تطرّق فارس إلى ردود الأفعال على تصريحاته الأخيرة، مؤكدًا:
"حكيت اللي حكيته وما بندم على شيء… أنا إنسان صادق، وإذا بيرجعوا يعملوا معي مقابلة برجع بحكي اللي حكيته… الناس بتعرف صدقي وقلبي وإخلاصي… اللي بدو يصدقك بيصدقك… الناس اللي بتحبك بتحبك… والناس اللي ما بدها تصدقك وما بدها تحبك… لو بتقلهم آية من الإنجيل والقرآن ما راح يصدقوك".
وعند سؤاله عن ردود الفعل التي شككت في صدقه، أجاب فارس:
"فيه ناس بتحبني وفيه ناس ما بتحبني… وفيه كثير ناس بيقولولي تعاطفوا معي أنا، بس أنا مني مكسور لحتى يتعاطفوا معي".
فارس كرم: "ما كنت حابب أوصل لهون… وما حدا خصّه"
وعن انتشار أخبار حياته الخاصة، قال:
"ما كنت حابب أوصل لهون ووصلت، وعادي… وأنا ما بندم على أي شيء بالدنيي لأن بعرف أنا شو وبعرف قديش أنا مخلص لأهل بيتي وما حدا خصّه".
أولاده خط أحمر
تطرّق فارس كرم أيضًا لتجربته الزوجية، مؤكدًا أنه لم يكن يسعى للزواج من الأساس، وأن خوفه القديم تحقق: "كل شيء بتخاف منه بهالدنيا بصير". ورغم ذلك، شدّد على أن أولاده خط أحمر: "مش ندمان، الله أعطاني أغلى اثنين على روحي مريم وكرم"، كاشفًا في الوقت نفسه عن واقع قانوني وإنساني صعب يعيشه اليوم.
وفي رسالة مؤثرة لأولاده، قال: "حبوا أمكم وبكرة بتعرفوا مين أنا".
