ما في شك انه وفاة محمود عبد العزيز من أكبر خسارات الوسط الفني , و بذكرى مرور سنتين على وفاته اتذكره عدد من النجوم , أولهم طبعا أولاده ,
فابنه الفنان والمنتج محمد نشر صورة معه ، و كتب عليها كلمات مؤثرة جعلت عدد من الفنانين يتفاعل معها، حيث كتب عليها: "برضه هتصور مع حضرتك و هتجمعنا صور جديده ..سبب نزول الصورة.. بصراحة الصورة دى ماكنتش متصورها عشان انزلها على السوشيال ميديا، كنت عاملها ليا انا بس عشان احطها على موبايلى و اعلقها فى بيتي و شركتى، بس قلت لنفسى ان اكيد فى ناس كتير عاملة زى حالاتى و ليها حد غالى عليها بعيد عنها، ايا كان نوع البعد حتى لو مسافر مده طويله، نصيحتى، إعمل زى ما انا عملت، إتصور صوره حلوة مع صورة حلوة للشخص الغالى عليك و لو كان مسافر إبعتهاله و عرفه قيمته عندك و حسسه بحبك ليه، ساعتها اكيد هيفرح و انت كمان هتفرح و هتقصر بينكوا المسافات مهما طالت، العمر مهما طال قصير اللى انت حاسه قوله و اللى بتحبه قوله بحبك فى وشه صدقنى ممكن بكره ماتلاقيهوش، أما لو الغالى عليك المسافه اللى بينك و بينه أبعد من السفر، أكيد برضه هيحس وهيفرح وأنت كمان هتفرح انك معاه فى صورة جديده حتى لو مع صورته،اسألكم الفاتحه و الدعاء لابويا و لكل من رحلوا عنا.
و تفاعل مع الصورة عدد من الفنانين داعيين للراحل بالرحمة، منهم أحمد حلمى، ومنى زكى وأحمد داوود.
أما كريم فكتب" الذكري السنوية الثانية نسألكم الفاتحة والدعاء لأبويا".
وكتبت بوسى شلبى على حسابها على "إنستجرام": ترحل الروح نعم و تسافر ولكن الحب يبقى .. و عندما تهزمك الدنيا لا تجد الا نسمات الروح تأتيك لتساندك ... وذكراك هي أحلى نسمه...زوجي محمود عبد العزيز ذكراك الثانيه لروحك.
سعد الصغير أيضا اتذكر الراحل فكتب بوست على حسابه على إنستغرام: "ترحل وستبقى في القلوب ياساحر القلوب".
