قصي خولي يقول شعر عبر حسابه على "إنستغرام" فما القصة؟ في البداية استغرب الكثيرون ما يقوله قصي خولي وما الذي يقصده ليتبين أنه شارك بتحدي "سين جيم" الذي أطلقه كاتب الأغاني رامي شلهوب من خلال "سين وجيم" على "انستغرام" حصراً بين الكتاب والفنانين، تتمحور فكرتها حول تقديم كلمات وأبيات شعرية تتضمن بالنهاية سؤالاً على المرشح الذي يذكر اسمه أن يجيب عنه بأبيات شعرية.
ووجه رامي شلهوب السؤال لمغني الراب السوري إسماعيل تمر قائلاً:
كل حدا بيسمع يللي بدو يسمعه
بيقشع غلط غيره وغلطه ما بيقشعه
كتير منحكم ع الناس من برّا
وما منعرف عنن شي بالمرة
او عالشكل او من تصرّف بلحظة ضعف
كل مين بحاله وكل نفس بحالها حرة
ليش مزعل اذا شي حدا مرة
قال عنا كلمة ما بتعجبنا
ما منتقبّل الا الإشيا ال بتناسبنا
ومنغفر غلط عملنا نحنا
وما مننطر حدا تا يسامحنا
وما منقبل او نتحمّل مين يعاتبنا
اسماعيل تمر ردّ على سؤال شلهوب، و قام بتوجيه التحدي إلى يوسف سليمان قائلاً:
رداً على سؤال صديقي رامي شلهوب بقلو
يمكن اغلب الطيبين بهي الدنيا فلّو
فتعلم ياصاحب كيف تقارن الناس
رح تشوف اجناس الماس وناس انجاس
استمد قوة الذات وناضل
يلي مؤمن بالنجاح مارح تهمو الفواصل
ليش لما الشخص بينجح
بيطلعلو من جوا الوطن اعداء ؟؟
وليش الغريب فينا بيفرح ؟؟
وبصير بلسم و احسن دوا للداء ؟؟
ليش ما منكبر بعض ؟
و ليش مالينا الحقد ؟
وليش تقطعت الحبال ؟
دكتور يوسف سليمان ؟
جاوبني على السؤال ؟
الكاتب والمنتج يوسف سليمان رد على السؤال ووجه التحدي إلى الشاعر علي المولى قائلاً:
طبيعي يلي بينجح
يصيروا اعداءو كتار..
عمرك سمعت بشجرة مثمرة
وما بتنرمى بحجار…
كلو بيحكي وخدلك عقيل وقال
اشاعات وكب سم وخبار…
بتقلو يا خيي ما بدي تساعدني
وما بدي تكون رفيقي
بدي تكف شر شوكك عن طريقي..
أما ليش من جوا الوطن اعداء
ابسط مثال ممكن اعطيه
ما سمعت القديمين شو قالوا
دود الخل منو وفيه
أما السؤال يلي ملبك يحالو
قديش بعد منحمل
لكل واحد منا يمشي
وهو عم يحكي مع خيالو…
وردّ علي المولى على سليمان ثم وجه التحدي لـ قصي خولي قائلاً:
ما فيك تعبي نقصك
يا اما بترضي روحك
يا اما بترضي نفسك
نصيحة خي
خلي ضميرك حي
خود من المنيح كتير
من القبيح شوي
وقد ما تصير الدنيي وسخة
ضلك صافي متل المي
بس ليه في بالغلط لذي
منعملو مع انو بيإذي
قصي خولي ردّ على علي المولى بطريقة لاقت الاعجاب على السوشيال ميديا لاتقانه قراءة الشعر، ثم وجه التحدي لـ ملحم زين الذي لم يجب بعد لغاية اللخظة.
