منذ أيام قليلة طالب شريف رمزي، من جمهوره الدعاء لشقيقه صلاح بعد تعرضه لأزمة صحية دخل على إثرها المستشفى، وتفاعل مع الخبر عدد كبير من الجمهور، وحرص عدد من النجوم على دعم شريف من خلال توجيه دعواتهم المخلصة لشقيقه صلاح بالشفاء العاجل.
بكلمات مؤثرة عبرت شهد رمزي، عن حزنها بعد أن أصبحت حالة شقيقها حرجة، أفقدته الوعي ودخل على إثرها في غيبوبة، دون الكشف عن تفاصيل مرضه.
نشرت شهد صورة تجمعهما، عبر خاصية ستوري انستغرام، وكتبت عليها قائلة: "أنا بنت على 3 أولاد، وأصغرهم، وطول عمري مش بيبان عليا والناس بيفتكروني أكبر من حسن، مع إني أصغر وبـ 3 سنين، يعني أنا لسه في العشرينات، وناس كتير فاكريني أكبر، علشان طول عمري بتعامل إني كبيرة ومسئولة".
وأضافت: "لما بابي ومامي سابوني كنت 20 سنة، واتعاملت إني كبيرة أكتر ولازم أكون أقوى، إلا مع صلاح، الوحيد اللي كان بيحسسني إني بيبي، دلوعته، وأن معاه كل اللي نفسي فيه هو مجبور ينفذه وبحب شديد وصدق شديد".
وتابعت: "أنت عندي مش بس أخويا اللي في النص، لا أنت الوحيد اللي كنت بتحسسني إني دلوعتك زي بابي، هموت يا حبيبي عليك، مع إنك مش أكبرنا بس حنانك وقلبك كانوا الأمان لقلبي، والله قلبي بيموت كل يوم، بحبك يا صلاحوتي يا حتة مني، وعايزة أحضنك".
واختتمت رسالتها قائلة: "وأحكي لمين الحزن اللي في قلبي وأنت اللي كنت بحكيلك، وقلبك هو قلبي، يا رب يا صلاح تقوم بالسلامة، اللهم إني لا أسألك رد القضاء ولكني أسألك اللطف فيه".
