من بودكاست "وبعدين", حلّت كندة حنا ضيفة على رابعة الزيات في حلقة مليئة بالتصريحات الجريئة والتفاصيل التي فتحت الباب أمام كثير من الجدل داخل الوسط الفني السوري. وخلال اللقاء، تطرّقت كندة إلى مسيرتها الطويلة في التمثيل، وتحدّثت بصراحة عن التحديات التي واجهتها خلال السنوات الأخيرة، خصوصاً بعد ما وصفته بـ"الاستبعاد المتكرر" من بعض الأعمال من دون مبررات واضحة.
كندة حنا وتصريحات مثيرة للجدل في بودكاست "وبعدين" مع رابعة الزيات
"قالولي سامر المصري ما بدّو ياكي"
أكثر ما أثار الجدل في الحلقة كان حديث كندة عن حادثة حصلت معها مؤخراً خلال مشاركتها في عمل من إنتاج شركة "غولدن لاين"، والذي رجّح الجمهور أن يكون مسلسل "النويلاتي"، حيث روت القصة بالتفصيل قائلة: "نزلت على التصوير وصورت، ورجعت على البيت، تاني يوم الساعة 9 الصبح وأنا رايحة عالتصوير، بيتصل فيني مدير الإنتاج بيقول لي: مدام نحنا فركشنا! قلت له تمام في شي؟ قال لي لا ما في شي. بعدين بحكي مع رشا شربتجي، قالت لي لا تزعلي، القصة شي تاني… البطل ما بدو. قلتلها مين البطل؟ قالت لي سامر المصري ما بدّو!"
وأضافت كندة: "أنا كنت نازلة عالتصوير بكل محبة، ومتحمسة، وموقّعة مع الشركة. بس وقت بيقولوا لي هيك، شو بدي أفهم؟ إنو في حدا قرّر عني بدون سبب. ما بعرف شو صار، بس اللي صار مو طبيعي."
وتابعت: "قلت لنفسي، ليه بدّو يخافوا من كندة حنا؟ بخافوا من كندة حنا؟ نحنا بدنا نعمل فن ولا بدنا نعمل عصابات؟!"
خطوة قانونية عبر نقابة الفنانين
كندة حنا أوضحت أنها قررت هذه المرة عدم السكوت، وأنها لجأت إلى نقابة الفنانين السوريين وقدّمت شكوى رسمية، مشيرة إلى أن النقيب مازن الناطور أبدى تعاطفاً كبيراً معها، وقالت: "قلت له يمكن كنت مرّقها، بس ما رح مرّقها، مو مشاني، مشان كتير ناس عم يصير فيها نفس الشي. أنا إلي حق قانوني ونقابتي بتحميني."
وأضافت: "ما بدي شهرة، ولا بحبّ المشاكل، بدي حقي وبس. بدي أفهم ليش هيك صار. لأنو مو أول مرة بينسحب الشغل مني من دون سبب."
تلميح إلى "الخوف منها"
وفي لحظة صريحة أخرى، علّقت كندة على الانتقادات التي توجّه لها بأنها “مشكلجية” قائلة: "بيقولوا بخافوا من كندة حنا، ليه؟ أنا ملتزمة، عندي جمهور بيحبني، تعبانة على حالي، وبتعامل باحترام. بس ما بقدر أمشي بالموجة. يمكن لهذا السبب بخافوا."
توضيح حول تصريح "سيخ النار"
تطرّقت كندة حنا أيضاً إلى الجدل الذي رافق تصريحاتها السابقة مع الإعلامي محمد قيس حين قالت إنها شعرت بـ"سيخ نار فاتح يحرق لي جسمي"، مؤكدة أن كلامها فُسّر بشكل سياسي خاطئ: "أنا كنت عم بحكي عن التعب النفسي، مو عن السياسة ولا عن سقوط النظام. بس الناس أخدوا كلمة سيخ النار وأسقطوها على الحالة السياسية، وهذا ظلم."
كندة ترفض لقب "النجمة المشكلجية"
في ختام الحوار، ردّت كندة على وصفها بأنها "نمرودة ومشكلجية"، مؤكدة: "إذا بالشغل أنا مشكلجية، فهالشي لأنو بحب النظام والاحترام. في ناس بسمنة وناس بزيت، وأنا من جماعة الزيت… بس بحب آخذ طاقة السمنة!"
