خلال لقاء لـ ET بالعربي مع محمد منير الشهير بـ"تيمو" صديق الراحل إبراهيم شيكا، تحدث لنا عن كواليس الساعات الأخيرة في حياة صديقه، خلال حضوره جنازته صباح اليوم.
وقال: "إبراهيم شيكا كان بيكذّب نفسه… هو كان حاسس إنه هيموت، بس كان بيحاول يعيش على الأمل. كان في المرحلة الرابعة من سرطان المستقيم، وكان المفروض يعمل عملية، لكنه رفض، لأنه كان عنده أمل يرجع يلعب كورة تاني."
وأضاف:"كلنا كان عندنا أمل إنه يخف، بس الحمد لله ربنا افتكره. هو كان حاسس وعارف، وكده ارتاح من الوجع اللي عاش فيه آخر فترة. ومحدش ساعده غير تامر حسني، ومحمد رمضان، ووفاء عامر… غير كده لا، ومعنديش تعليق على دعم نادي الزمالك."
وتابع:"مراته وقفت معاه للآخر، بنت أصول، عملت كل اللي تقدر عليه… وربنا يراضيها في عيالها، عشان اللي عملته معاه محدش في الدنيا يعمله."
يُذكر أن إبراهيم شيكا توفي صباح اليوم داخل أحد المستشفيات في منطقة التجمع الخامس، وأقيمت صلاة الجنازة بعد صلاة العصر من مسجد حسن الشربتلي، واقتصر الحضور على الأهل والأصدقاء، إلى جانب وفاء عامر وحسين السيد.
