شهد مهرجان البحر الأحمر السينمائي بالأمس، ندوة خاصة لِـ لبلبة، التي خطفت الأضواء بحضورها، وخفة ظلها، وإجاباتها الصادقة حول مسيرتها الفنية الطويلة، وذلك بحضور عدد من نجمات الفن، بينهن إلهام شاهين وليلى علوي.
ندوة لبلبة في مهرجان البحر الأحمر
وخلال الندوة، وجّهت إلهام شاهين سؤالًا مباشرًا إلى لبلبة قائلة:“أنتِ اديتي عمرك كله للفن… هل في لحظة قولتي: أنا ندمانة؟ ليه مدّتش لحياتي الشخصية أكتر؟”
لبلبة ردّت بثقة:“ولا لحظة حسّيت إن في وقت عدى من عمري خسارة في الفن… مفيش في الفن خسارة. أنا كوّنت جمهور كبير بيحبني وبيثق فيّا، والجمهور ده مش عايز مني غير إني أكون أنا. حياتي الشخصية هي حياتي الفنية… أنا خلاص بقيت بنت الفن.”
ثم وجّهت ليلى علوي سؤالًا آخر عن شغف لبلبة بالأدوار المركّبة: “أنا بحس إنك بتستمتعي أكتر لما بتدخلي جوّه شخصية مختلفة عن نونيا… إيه الدور اللي نفسك تعمليه بعد كل اللي قدمتيه؟”,
لتكشف لبلبة عن جانب مهم من أحلامها الفنية التي لم تتحقق بعد، قائلة: “هو فعلًا ليلى حاسة بيا… أنا قضّيت طفولتي في البالية والاستعراض، لكن التمثيل هو اللي خلاني مستمتعة أكتر. ولسه في حاجات كتير نفسي أعملها. نفسي أقدم شخصية مريضة نفسيًا أو عندها إعاقة ذهنية… معملّتش دور مجرمة تتكرَه… وفي أدوار كتير متعملتش. ساعات الأدوار اللي بتيجي مش بتساعد إني أدي كل اللي جوايا.”
واختتمت لبلبة حديثها برسالة مؤثرة: “يارب السن ما يعدّيش بسرعة… يمكن تيجي حاجة حلوة أقدر أقدّمها للناس.”
