موهبة جديدة تابعناها مع ليلى أحمد زاهر في حفل تخرجها هي وشقيقتها ملك وهي تغني ميدلي لأغنيتي " Never Enough" و "سقفة" أمام عائتلتها ومعلميها وأصدقائها.
ليلى غنت ورقصت بسعادة حيث تفاعل معها عدد من الصفحات الفنية الفيديو، ورأى الجمهور على السوشيال ميديا أنها تتمتع بصوت هادئ وجميل.
وعلّقت على الفيديو الذي شاركته " لقد نجحنا أخيرًا في اجتياز كل هذه السنوات المتعبة والمثيرة والصعبة. بجانب كل هذا أشكر هشام جمال على جهودك وتوجيهاتك لجعل هذه الأغنية مميزة للغناء أمام عائلتي وأصدقائي ومعلمي.
كما شاركت ليلى صور لها برفقة شقيقتها ملك ووالدها أحمد زاهر ووالدتها هدى زاهر.
كنت طاير من الفرح
من جهته، أحمد زاهر كتب لبناته على "إنستغرام": "حالة غريبة اول مرة احس بيها مشاعر كتير متلخبطة فرح و سعادة و فخر و خوف على بكرة و دموع مهو احنا المصريين نفرح او نحزن لازم نبكي مش عارف ليه ، احاسيس كتيرة و مع بعض مرة واحدة بس بجد كنت طاير من الفرح الحمدلله و الشكر لله على كل السعادة اللي كنت فيها الحمدلله على تخرج ملك و ليلى و عقبال منى و نور و ربنا يفرحكم كلكم بولادكم ، ملك و ليلى بحبكم اوي و فخور بيكم قد الدنيا كلها".
وكان لأحمد تعليق على غناء ليلى على "إنستغرام": "مبروك يا حبيبتي علي التخرج وعلى الاغنية الجميلة دي اللي ولعتي بيها الدنيا و المسرح و الكل كان فرحان بيكي و بيرقص معاكي كسرتي الدنيا يا لولي بحبك و فخور بيكي اوي".
شعوري متلخبط
وأيضا هدى كتبت لبناتها عبر حسابها على "انستغرام": " مش عارفة اوصفلكوا شعوري وانا شايفه بناتي بتخرجوا النهاردة وهيدخلو مرحلة جديدة في حياتهم...سنين عمر وشقي وتعب ومذاكرة وشخط ونطر وذاكري وركزي واحفظي والتزمي وبلاوي زرقا كتير اكيد كل ام واب فاهميني .. لكن الحقيقة لحظة ماشفت بناتي بيتخرجوا وانا في شريط طويل بيعدي قدام عنيا في كل الي حكيتهولكم دة .. شعوري متلخبط وحاسة احاسيس مش عارفة اوصفها ... كل الي بتمناه من قلبي في اللحظه دي ان ربنا يسعد كل الناس باولادها وبناتها ويشوفوهم في اعلى المراتب يارب ... مبروك حبيبات قلبي ونور عيوني بحبكم اوي وفخورة بيكم اوي.
