دخلت ليلى إبنة محمد حلاوة من زوجته الأولى على خط الخلافات مع ياسمين عبدالعزير، حيث وجهت رسالة شديدة اللهجة لـ ياسمين من خلال خاصية الستوري عبر حسابها على الإنستقرام، حيث قالت "إوعى تدعي حاجة مش فيكي عمرك ما كنتي كويسة مع حد، إنتي اللى خطفتي بابا مننا من 17 سنة وماما على ذمته ومن 17 سنة حاولتى تقطعى علاقتنا ببابا وحاربتينا وأذتينا كتير".
وأضافت ليلى متوجهة إلى ياسمين عبدالعزيز، "الناس العادية مش عارفة حاجة بس الناس اللى حوالينا عارفين كل حاجة ياريت تبطلي أذى بدل ما نعرف الكل"، وتابعت "إنتى اللي قاطعانا عن إخواتنا من يوم ما اتولدوا وكفاية اللي عملتيه من شهر معايا في شرم الشيخ قدام الناس، عيب وكفاية وبطلي تظهري بصورة مش حقيقتك".
بعد هذه الرسالة من ليلى إلى ياسمين عبدالعزيز، تداولت بعض الصفحات على السوشيال ميديا، صورة تجمع ياسمين عبدالعزيز بـ ليلى وزوجها في عيد ميلاد شقيقها سيف إبن ياسمين، وبدت في الصورة في غاية السعادة.
وائل عبدالعزيز شقيق ياسمين، علق على كلام ليلى من خلال حسابه الرسمي على الفيسبوك، حيث قال "ربنا سبحانه عز وجل معاكي وانا فضهرك ومعاكي بكل ما املك من صحه وقوه لحد اخر يوم في عمري وافديكي بحياتي لو حد مسك بشيء مش كلام وانتي حافظاني.. متقلقيش في ضهرك يا بنت الأصول يا متربيه وبتاسفلك لو في يوم صدر مني شيء غلط كان بنزعه الاخوه مش اكتر ولا يهمك احنا مبنردش الاهانه بالإهانة زاي ما اتعودنا".
