وسط التفاعل الكبير الذي يرافق إطلاق ألبومه الجديد "سمّعوني"، خطف محمد حماقي الأنظار خلال حفله الضخم الذي أحياه مساء الجمعة 26 يونيو 2026 على مسرح El Arena في القاهرة الجديدة، ضمن سلسلة حفلات "ليالي مصر"، حيث احتفل مع جمهوره بأغاني ألبومه العاشر. وخلال الحفل، حرص أيضًا على توجيه تحية خاصة إلى شيرين عبد الوهاب، في أول تعليق له على نجاح ديو "بحرية"، كما كشف في لقاء مع داليا سيد كواليس هذا التعاون وردّه على ردات فعل الجمهور.
محمد حماقي يحيي شيرين من حفله في الأرينا .. ويتحدث لـ ET بالعربي عن الديو الذي جمعهما
صداقة طويلة جمعت محمد حماقي وشيرين عبد الوهاب
وعن صاحب فكرة التعاون، أكد محمد حماقي أن الديو كان مؤجلًا منذ سنوات، وقال: "أنا وشيرين صحاب من زمان قوي قوي، من قبل ما نبتدي إحنا الاتنين، وكل ما كنا بنتقابل نقول عيب علينا إن إحنا لحد دلوقتي لسه ما غنيناش مع بعض. ولما جت الفرصة الحمد لله في أغنية تنفع إن إحنا الاتنين نغنيها، عملناها، والحمد لله محققة نجاح كبير."
لماذا اختارا أغنية "بحرية"؟
أما عن اختيار أغنية "بحرية" تحديدًا، فأوضح حماقي أن الأغنية كانت ضمن اختياراته منذ البداية، قبل أن تتحمس لها شيرين أيضًا، وقال: "لا، أغنية بحرية من البداية كانت أغنية عاجباني وأنا كنت مختارها، وبعدين أنا وتوما اتكلمنا مع شيرين. هي كانت رايحة لتوما تشتغل أغنية تانية، ولما سمعت الأغنية عجبتها الفكرة جدًا، وهي كانت أصلًا متحمسة كده كده إن إحنا نغني مع بعض."
وأضاف موضحًا سبب تميّز هذا العمل بالنسبة له: "أنا بحب قوي فكرة الديو اللي يبقى ديو بجد، يعني بحرية هو حوار بين راجل وست، مش أغنية عادية، وغنيناها إحنا الاتنين مع بعض، مع إنها كانت ممكن يتغناها شخص واحد."
"ما قلقتش من التهنيجة اللي حصلت على بحرية"
ومع انقسام آراء البعض في البداية، بين من أحب الأغنية منذ اللحظة الأولى ومن كان ينتظر عملًا رومانسيًا يجمعه بشيرين، أكد حماقي أنه لم يشعر بأي قلق تجاه تلك الردود.
وقال: "بالعكس، أنا ما قلقتش خالص من التهنيجة اللي حصلت دي. لو سمعتي أغنية من أول دقيقة إنتِ عارفاها، يبقى أنا ما قدمتش حاجة جديدة أو ما قدمناش حاجة جديدة. التهنيجة دي بتيجي بسبب إنك بتسمعي حاجة إنتِ مش متوقعة تسمعيها أو مش عارفة إنك هتسمعيها. ففي ناس عجبتها من أول لحظة، وفي ناس أخدت وقت معاهم عشان تعجبهم، بس دلوقتي الحمد لله كل الناس مبسوطة بيها."
