في حديث صريح من قمة الإعلام العربي 2025، علّق محمد سامي على الجدل الدائم حول بعض المشاهد التي يعتبرها البعض لا تناسب المجتمع و تقدم صورة سلبية عن المجتمع المصري، مؤكداً أن تقييم المحتوى يظل في النهاية مسألة شخصية تختلف من شخص لآخر.
محمد سامي يردّ على الانتقادات ويوجّه نصيحة للمبدعين
وقال سامي: "فكره إن حضرتك بتقول إن في بعض الأعمال فيها مشهد بيبقى بيخدش حياءك، حضرتك ممكن اللي يخدش حياءك ما يخدش حياء غيرك، وممكن اللي عادي بالنسبة لك يكون مش عادي بالنسبة لشخص آخر... في واحد أصلًا بيشوف إن التلفزيون حرام ده أكتر منك."
وأوضح أن صناع الأعمال الدرامية والفنية لا يمكنهم إرضاء كافة الأذواق، مضيفًا: "أنا مش همشي ألف على 300 مليون عربي أخبط على كل واحد في البيت ماسك في إيدي ورقه وأقول له حضرتك والمدام والأولاد بتحبوا تشاهدوا إيه؟ أنا بتبع rules الرقابة مش rules رقابة بيتك."
وشدّد سامي على أهمية الدور الرقابي الرسمي الذي تحدده الدولة أو المحطات التلفزيونية، وليس الرقابة الفردية داخل كل منزل، موجهاً نصيحة مباشرة للمشاهدين الذين لا يوافقون على محتوى معين: "عندك حاجة بقى تعملها كويسة جدًا: في ريموت. حضرتك تقدر منه تختار رقابة بيتك تتفرج على إيه أنت ومراتك وأولادك أو ما تتفرجش على إيه. دي حاجة ترجع لك."
"كل مبدع محتاج استراحة"
وعن قراره بالابتعاد مؤقتًا عن الإخراج، أكّد محمد سامي أنه يرى أن كل فنان ناجح يحتاج إلى لحظة توقف لمراجعة مسيرته وتحديد خطواته المقبلة: "أنا شايف إن أي مبدع محتاج كل فترة استراحة، يبدأ يفكر فيها في المشوار اللي فات... ناقصه إيه وعايز يحقق إيه، وإيه اللي هيرضيه بعد ما ربنا سبحانه وتعالى بيكرمه بالنجاح والتوفيق."
واختتم حديثه قائلًا: "لو فضلت ماشية كده هتلاقي نفسك بتقلّي... جميل جدًا إنك تقفي وقفة مع نفسك وتفكري إيه اللي هيبدأ يساعدني الفترة الجاية وأعمله."
تقرير سابق من ET بالعربي: النجوم يوجهون رسائل دعم لـ محمد سامي بعد إعلانه اعتزاله الإخراج التلفزيوني
