بعد إعلان زواجه من فتاة أصغر منه في العمر تدعى "رشا" وهو في عمر الـ 69، أثار محمود عامر ضجة كبيرة وجدلاً واسعاً على السوشيال ميديا بين المتابعين.
تواصل ET بالعربي مع محمود عامر لمعرفة رأيه من تلك الضجة وما إذا كان متوقعاً ما حصل، وقال من خلال تسجيل صوتي "انا بتجوز زي ما اي حد في الدنيا بيتجوز، الزواج هو قسمة ونصيب ربنا سبحانه وتعالى لما يختار حاجة لحد مافيش أي سلطان في الكون عليه".
وأضاف في كلامه، "أما مسألة متوقع أو مش متوقع، إطلاقاً لم أكن في أي وقت من الأوقات أتوقع هذا رد الفعل الغريب جداً، بعمري ما حصلي ده في أي فيلم أو مسرحية أو مسلسلة.. وأنا شخصياً مستغرب".
وتابع كلامه قائلاً: "في ناس بتقول أنا عملت كده علشان الترند، أنا ماعرفش لا ترند ولا غيرو، ولو أني واحد من دول الناس كنت عملت كده من زمان، أنا شخص في حالي ومسالم وما عملش حاجة غير شغلي وبيتي وإبداعي وخلاص، حتى كافيهات مابروحش، ولو عاوز ترند كنت عزمت الصحفيين".
وعن الصورة التي شاركها على الفيس بوك، بين "انا نزلت صورة بعد ما واحد من أصدقائي نزل صورة ولقيت الدنيا انقلبت.. نزلت أنا صورة".
وكان محمود عامر قد أعلن زواجه قبل يومين من خلال صورة شاركها على فيسبوك، وعلق عليها قائلاً: "الحمد لله والشكر لله على نعم ربنا الكثيرة، عوض وترتيبات ربنا فوق ما نتخيل".
